17:53, 14 - قىركۇيەك 2016 | GMT +5
ق ر پرەزيدەنتى: بيىل قاشاعان ىسكە قوسىلادى
كوكشەتاۋ. قازاقپارات - ەلباسى نۇرسۇلتان نازاربايەۆ اقمولا وبلىسىنا جاساعان جۇمىس ساپارى بارىسىندا اعىمداعى جىلى «قاشاعان» كەن ورنى ىسكە قوسىلاتىنىن اتاپ ءوتتى.
مەملەكەت باسشىسىنىڭ ايتۋىنشا، الداعى ۋاقىتتا مۇناي باعاسى جاقسى جاعىنا قاراي وزگەرۋى مۇمكىن.
«بۇگىنگى مۇناي باعاسى، ياعني باررەلىنە 50 دوللار ءبىزدى قاناعات ەتەدى. الداعى ۋاقىتتا ونىڭ باعاسى جاقسى جاعىنا قاراي وزگەرۋى مۇمكىن. سوندىقتان، بيىلعى جىلى قاشاعاندى ىسكە قوسامىز. مۇمكىن قازان ايىندا ىسكە قوساتىن بولامىز. وعان قوسا، تەڭىز دە دامي تۇسەدى. جالپى، الداعى 2017-جىلدان باستاپ، 2020-جىلدار بىزدەر ءۇشىن جاقسى بولماق»، دەدى ن. نازاربايەۆ ب ا ق وكىلدەرىنە بەرگەن سۇحباتىندا.
سونداي-اق ەلباسى اۋىل شارۋاشىلىعى تاۋارلارىن وندىرۋشىلەردى ەل تاۋەلسىزدىگىنىڭ 25 جىلدىعى اياسىندا الەۋمەتتىك سالاعا كوڭىل ءبولىپ، اۋىل تۇرعىندارىنىڭ جاعدايىن جاقسارتۋعا اتسالىسۋعا شاقىردى.
اۆتور: اسلان وسپانوۆ
