قازاقستاندىق سامبوشى ە. بايباتىروۆ حالىقارالىق تۋرنيردەن كۇمىس جۇلدەگەر اتاندى

ورال. قازاقپارات - گرۋزيا استاناسى تبيليسي قالاسىندا سامبودان وتكەن «ا. چوحەليدىڭ مەموريالى» حالىقارالىق تۋرنيرىندە باتىس قازاقستاندىق بالۋان، سامبودان ءتورت دۇركىن الەم چەمپيونى ەربولات بايباتىروۆ كۇمىس مەدالدى جەڭىپ الدى.

ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، ەربولات 57 كەلى سالماقتا الدىمەن جەرگىلىكتى بالۋاندى تىزە بۇكتىرسە، سودان كەيىن ارمەنيا ەلىنىڭ وكىلىن ۇتتى. ءۇشىنشى بەلدەسۋىندە رەسەيلىك پالۋاننان باسىم تۇسكەن، قازاقستاننىڭ ەڭبەك سىڭىرگەن جاتتىقتىرۋشىسى رايىمبەك مەڭدىعاليەۆ باپتاپ جۇرگەن ەربولات بايباتىروۆ فينالدا عانا گرۋزيا سامبوشىسىنا ەسە جىبەردى.

ەسكە سالا كەتەيىك، ە. بايباتىروۆ وسىعان دەيىن رەسەيدىڭ كستوۆو قالاسىندا «م. بۋرديكوۆتىڭ مەموريالى» حالىقارالىق تۋرنيرىندە دە كۇمىس جۇلدەنى ەنشىلەگەن بولاتىن.

«وسى ەكى حالىقارالىق جارىستا جۇلدە الۋىم ماعان سامبودان الەم چەمپيوناتىنا قاتىسۋىما مۇمكىندىك بەرەدى. بيىل دۇنيەجۇزىلىك دودادا 10-14- قاراشا كۇندەرى بولگاريا استاناسى سوفيا قالاسىندا وتەدى. وسى الەم بىرىنشىلىگىندە ەل نامىسىن ابىرويمەن قورعاپ، جۇلدەگە ىلىگۋ ءۇشىن بارىمدى سالامىن»، دەدى قازاقستاننىڭ ەڭبەك سىڭىرگەن سپورت شەبەرى ە. بايباتىروۆ قازاقپارات تىلشىسىنە.

اۆتور: ەلجان ەرالى