ەرەكشە داۋىس يەسى ديماش قۇدايبەرگەنوۆ وزىنە قانداي قىزدار ۇنايتىنىن ايتتى
«ەڭ باستىسى - مىنەزى جاقسى بولىپ، مەنىڭ اتا- انامدى سىيلاۋى ءتيىس، ۇلكەن- كىشى دەمەي، كەلگەن ادامنىڭ بارىنە ينابباتتىلىعىن كورسەتىپ تۇرسا، ودان اسقان كەلىنشەك بولمايدى دەپ ويلايمىن» ، - دەدى ءانشى استانا تەلەارناسىنىڭ «ەل اۋزىندا» باعدارلاماسىنا بەرگەن سۇحباتىندا.
بىرنەشە حالىقارالىق بايقاۋلاردىڭ جەڭىمپازى، بوي دەسە بويى، وي دەسە ويى بار ءانشى جىگىتتىڭ بۇگىنگى قىزدارعا كوڭىلى تولمايتىن بولىپ شىقتى. 22 جاستاعى ديماش ارمانىنداعى ارۋىن ءالى جولىقتىرماپتى.
«قازاقتىڭ كەلىندەرىن، جەڭگەلەرىن، سۇلۋلارىن پەريزاتقا تەڭەگەن. قازىرگى زاماندا، وكىنىشكە وراي، ءسوزىم اۋىر بولماسىن، پەريزاتقا تەڭەي المايتىن قارىنداستارىمىزدى كورىپ ءجۇرمىز. ول جۇرەكتى اۋىرتادى. شەتەلگە ەلىكتەپ ءبىزدىڭ قىزدار ەرسى قىلىقتار جاسايدى» ، - دەپ جالعادى ءسوزىن قۇدايبەرگەنوۆ.
زاماناۋي جاستار ۇيلەنۋگە اسىقپايدى. سولاردىڭ ءبىرى - ديماش قۇدايبەرگەنوۆ. ءوز سوزىندە ول ۇيلەنۋدىڭ «اۋىلى» الىس ەكەنىن ايتىپ، بولاشاققا باسقا جوسپار قۇرعانىن ايتتى.
«شىعارماشىلىق جوسپارىمدى» جۇزەگە اسىرمايىنشا، حالىقارالىق، الەمدىك دەڭگەيدە كوتەرىلىپ، اياققا نىق تۇرماعانىمشا ۇيلەنگىم كەلمەيدى. 30 جاسقا كەلگەندە ۇيلەنەمىن دەپ ويلايمىن» ، - دەپ ءدوپ باستى ءانشى.
