ادام ەسىمى تاعدىرىنا قانشالىقتى اسەر ەتەدى؟

استانا. قازاقپارات - جاڭا تۋعان بالاعا ات قويۋ -  ەجەلدەن كەلە جاتقان ءۇردىس. وعان جاقسى ەسىم بەرىپ، بولاشاقتا تۇعىرلى بيىكتەردەن كورۋ ءاربىر اتا- انانىڭ ارمانى دەسەك قاتەلەسپەيمىز. بۇگىنگى تاڭدا امەريكالىق عالىمدار ەسىمدەردىڭ ادام ومىرىندە قانشالىقتى ماڭىزى بار ەكەنىن دالەلدەگەن.

كوپتەگەن ادامداردى ءوز تاجىريبيەسىندە پايدالانعان عالىمدار ەسىمدەر تۋرالى مىناداي توقتامعا كەلگەن. ەگەر بالانىڭ اتى قاراپايىم بولسا، ونىڭ ءوز ورتاسىندا بەدەلى مەن وزگەلەردىڭ وعان قىزىعۋشىلىعى ارتا تۇسەدى. مۇنداي ەسىمدەردى قىسقارتىپ ايتۋعا دا ىڭعايلى كورىنەدى. ال، داڭقتى تۇلعالاردىڭ ەسىمى بەرىلگەن بۇلدىرشىندەر وسكەندە ءوزى اتتاس تۇلعالاردىڭ كاسىبىنە قاراي بەيىمدەلۋگە ءازىر تۇرادى ەكەن. سونىمەن قوسا سيرەك كەزدەسەتىن ادام اتتارى كوبىنە بۇزاقىلار مەن ەرەكشە دارىن يەلەرىنە بەرىلۋى مۇمكىن. سەبەبى الەمدەگى كوشباسشى جانداردىڭ ەسىمدەرى ءبىر- بىرىنە مۇلدە ۇقسامايدى. ەگەر تاريحقا كوز جۇگىرتەر بولساق، شىڭعىسحان، ناپولەون، ابىلاي، كەنەسارى سەكىلدى كوپ ەستىلمەگەن ەرەكشە ەسىمدەر ءوز ورتاسىنان سۋىرىلىپ شىعىپ، زور جەتىستىككە جەتكەنىنە كۋا بولاسىز.

massaget.kz