سوزگە كەلىپ قالعان مەردىگەر اكىمنىڭ باسىنان بوتەلكەمەن ءبىر ۇرعان

 استانا. قازاقپارات - كۇنگەيدەگى شاعالالى اۋداننىڭ جاس اكىمى ەكى كۇننەن بەرى جۇمىسقا كەلمەي ءجۇر. اكىمى «جوعالعان» جۇرتشىلىق بۇل «جۇمباقتىڭ» سىرىن سان- ساقا جۇگىرتىپ الەك.

اۋزى جىلدام ادامداردىڭ ايتۋىنشا، ايماقتىڭ №1 باسشىسىنىڭ باسىنا ابايسىزدا بوتەلكە ءتيىپتى.

جاڭا وقۋ جىلىن «جۋىپ» وتىرعان كەزدە قاراماعىندا قۇرىلىس جۇمىستارىن جۇرگىزگەن مەردىگەردىڭ بۇزىق باسشىسىمەن سوزگە كەلىپ قالعانعا ۇقسايدى، دەپ حابارلايدى Korrespondent.kz.

اكىم مەن مەردىگەردىڭ اراسىنان قاي الا مىسىقتىڭ ءوتىپ كەتكەنىن قايدام، ايتەۋىر باسقوسۋدىڭ اقىرى ابىرويسىزدىقپەن اياقتالىپتى. بۇگىندە باسىن بايلاپ ۇيىندە جاتقان اكىم قاراماعىنداعىلارعا تەك تەلەفونمەن عانا تاپسىرما بەرىپ، جۇمىسىن ءبىتىرىپ جاتقان كورىنەدى.

Stan.kz