ا ق ش، وڭتۇستىك كورەيا جانە جاپونيا پحەنيانعا قاتىستى سانكتسيالاردى قاتاڭداتپاق
وعان قوسا، ا ق ش اسكەري اۋە كۇشتەرىنىڭ ۇشاقتارى وڭتۇستىك كورەيانىڭ سولتۇستىك كورەياعا جاقىن ماڭايىمەن ۇشىپ، سەس كورسەتتى. امەريكا اۋە كۇشتەرىنىڭ بومبالاۋشى ەكى ۇشاعى سولتۇستىك كورەيا شەكاراسىنان 80 شاقىرىمدا بارلاۋ جاساپ، گۋام ارالىنداعى وڭتۇستىك كورەيانىڭ بازاسىنا قايتا ورالدى. ولاردىڭ بۇل ارەكەتى جاقىندا عانا يادرولىق سىناق وتكىزگەن سولتۇستىك كورەياعا سەس كورسەتۋ ەدى.
«بۇگىن ءوز ۇشاقتارىمىزدى ۇشىرۋ ارقىلى وداعىمىزدىڭ قانشالىقتى قاۋقارى بار ەكەنىن كورسەتكىمىز كەلدى. مۇمكىندىكتەرىمىز ۇلكەن. ولار بىزگە باعىتتالعان كەز- كەلگەن جاۋعا تويتارىس بەرۋگە دايىن» ، - دەيدى وڭتۇستىك كورەياداعى ا ق ش اسكەرىنىڭ قولباسشىسى ۆينسەنت برۋكس.
مالىمەتتەرگە قاراعاندا، سولتۇستىك كورەيا بەس رەت يادرولىق سىناق جۇرگىزگەن. ونىڭ ەكەۋى وسى جىلى جارىلدى. ماماندار سوڭعى يادرولىق سىناقتىڭ بۇعان دەيىنگىلەرگە قاراعاندا وتە جويقىن بولعانىن ايتىپ وتىر. ال يادرولىق سىناق جۇرگىزىلگەن ايماقتىڭ اۋەدەن تۇسىرىلگەن فوتوسۋرەتتەرىن زەرتتەگەن وڭتۇستىك كورەيا بيلىگى پحەنيان جاقىن ارادا تاعى ءبىر يادرولىق سىناق جاساۋى مۇمكىن دەپ كۇدىكتەنەدى. وسىعان بايلانىستى ا ق ش، جاپونيا جانە وڭتۇستىك كورەيا، سولتۇستىك كورەياعا قارسى قاتاڭ شارالار قابىلداۋعا كەلىسكەن.
«سولتۇستىك كورەيا ءبىر جىل ىشىندە ەكى رەت يادرولىق سىناق وتكىزدى. وعان قوسا 20 دان استام زىمىران ۇشىردى. وسىنىڭ بارلىعى رەسمي پحەنياننىڭ حالىقارالىق تالاپتارعا قۇلاق اسپايتىنىن كورسەتىپ وتىر. سوندىقتان سانكتسيالاردى بارىنشا جىلدام ءارى قاتاڭ تۇردە سالۋ كەرەك» ، - دەدى ا ق ش- تىڭ سولتۇستىك كورەيا ماسەلەلەرى جونىندەگى وكىلى سون كيم.
سولتۇستىك كورەيانىڭ يادرولىق سىناعى حالىقارالىق ۇيىمدار مەن ءبىرقاتار ەلدىڭ سىنىنا ۇشىرادى. قازاقستان سىرتقى ىستەر مينيسترلىگى يادرولىق سىناقتىڭ سولتۇستىك كورەياعا ءتيىمسىز ەكەنىن مالىمدەدى. بىرىككەن ۇلتتار ۇيىمى پحەنيانعا قارسى ەشقانداي شارا قابىلداماسا دا، يادرولىق سىناقتى قاتاڭ ايىپتادى.
«سولتۇستىك كورەيانىڭ يادرولىق بەلسەندىلىگىن قارار بويىنشا باقىلاۋدا ۇستاۋ ءۇشىن قوسىمشا شارالار قابىلدايمىز. ولار قارارداعى ەرەجەلەردى ەشكىم بۇزا المايتىنداي بولىپ قابىلدانۋى ءتيىس» ، - دەدى وڭتۇستىك كورەيانىڭ قاۋىپسىزدىك ىستەرى جونىندەگى وكىلى كيم حون گيۋن.
ەگەر حالىقارالىق ۇيىمدار سولتۇستىك كورەياعا قارسى جاڭا سانكتسيا سالسا، اۋپىرىمدەپ كۇنەلتىپ وتىرعان تۇرعىندار تىعىرىققا تىرەلەدى. ونسىز دا ءال- اۋقاتى ءالسىز ەلدە نوسەر جاۋىپ، تاسقىن بولىپ، ونداعان مىڭ ادام باسپاناسىز قالدى. 130 دان استام تۇرعىن قازا تاپتى. ازىق- تۇلىك تاپشىلىعى جانە بار. ءبىر سوزبەن ايتقاندا، ەل حالىقارالىق ۇيىمداردىڭ گۋمانيتارلىق كومەگىنە مۇقتاج.
