ەكىباستۇزدا سولتان قوجا كەسەنەسى اشىلدى
كەشەننىڭ تۇساۋكەسەرى بيىل سولتان قوجانىڭ تۋىلعانىنا 120 جانە وزىنەن سوڭ تاياعىنا يە بوپ، ءدىن- اعارتۋ ءىسىن جالعاستىرعان يسابەك يشان شوبەرەسى جانداربەك قوجا قوجاحمەت ۇلىنىڭ تۋىلعانىنا 110 جىل تولۋىنا ورايلاستىرىلدى.
ايتا كەتەرلىگى، ەل ىشىندە «اتام باسى» اتالىپ كەتكەن قورىمدا ەرتىس- بايان وڭىرىنە يسلام ءدىنىن تاراتۋدا ەلگە ەڭبەگى سىڭگەن ءدىن قايراتكەرى يسابەك يشان جانە ونىڭ ءدىني- اعارتۋشىلىق قىزمەتىن جالعاستىرعان ۇرپاقتارى ماڭگىلىك مەكەن تاپقان. سونىڭ ىشىندە حالىق اراسىندا سولتان قوجا اتالعان، يسابەك يشاننىڭ نەمەرەسى مۇحامەدسولتان نۇرمۇحانبەت ۇلىنىڭ دا زيراتى بار. مۇحامەدسولتان نۇرمۇحانبەت ۇلى 1896- 962 ج. ج. ارالىعىندا ءومىر سۇرگەن. جاس كۇنىندە ۋفا قالاسىندا ءدىني ءبىلىم العان. ول دىنگە تىيىم سالىنعان كەڭەس ءداۋىرى تۇسىندا ءومىر سۇرگەنىنە قاراماستان، يماندىلىق جولىندا حالىققا قىزمەت ەتىپ، ادىلدىگى، اقىل- پاراساتى، الداعىنى بولجاي بىلگەن ەرەكشە قاسيەتىمەن ەلگە قادىرى ارتقان تۇلعا بولعان. بۇل كۇنى «ۇلى دالا تۇلعالارى» تاقىرىبىندا وتكەن رۋحاني- تانىمدىق شاراعا ايماق باسشىسى بولات باقاۋوۆ، وبلىسىمىزدىڭ قۇرمەتتى ازاماتتارى، بەلگىلى ونەر قايراتكەرلەرى، ءدىن وكىلدەرى قاتىستى.
