08:30, 14 - قىركۇيەك 2016 | GMT +5
ەۋروپادا جازدىڭ ىستىعى باسىلماي تۇر
استانا. قازاقپارات - ەۋروپادا جازدىڭ ىستىعى باسىلماي تۇر، دەپ حابارلايدى 24.kz.
گەرمانيا مەن پولشاداعى اۋا تەمپەراتۋراسى قىركۇيەكتىڭ ورتاسىنا ءتان كورسەتكىشتەن 10-12 گرادۋسقا جوعارى. فرانسيادا دا وسىعان ۇقساس جاعداي. ەلدىڭ وڭتۇستىك- باتىسىندا اۋا تەمپەراتۋراسى 38 گرادۋسقا دەيىن كوتەرىلگەن.
چەحيادا 100 جىلدىق مەتەوباقىلاۋ تاريحىنداعى رەكوردتىق كورسەتكىشتەر تىركەلىپ جاتىر. سينوپتيكتەر بۇل جاعدايدى بالتىق تەڭىزى ۇستىندەگى انتيتسيكلونمەن بايلانىستىرادى. ولاردىڭ پايىمداۋىنشا، 15 - قىركۇيەكتەن كەيىن ەۋروپاداعى كۇننىڭ ىستىعى نوسەر مەن نايزاعايعا اۋىسۋى مۇمكىن.
