ۇلتتىق بانك: بيىل ينفلياتسيانىڭ بولجانعان دەڭگەيدەن اسىپ كەتۋ قاۋپى بار
بۇگىن ق ر پرەمەر-ءمينيسترى باقىتجان ساعىنتايەۆتىڭ جەتەكشىلىگىمەن وتكەن ۇكىمەت وتىرىسىندا ق ر ۇلتتىق بانكىنىڭ ءتوراعاسى دانيار اقىشيەۆ وسىلاي ءمالىم ەتتى.
«ۇلتتىق بانك ءۇشىن نەگىزگى ينديكاتور ينفلياتسيا كورسەتكىشىنىڭ 2016-جىلعا ارنالعان بولجامى بولىپ تابىلادى. بۇل 6-8 پايىز ءدالىزى ارالىعىندا انىقتالدى. جاز ايلارىندا ينفلياتسيا ۇلتتىق بانكتىڭ كۇتىلگەنىنەن جوعارى بولدى. وسىعان وراي، ۇلتتىق بانك پەن ۇكىمەتتىڭ 2016-جىلعا بەلگىلەنگەن ينفلياتسيا 6-8 پايىزىنان اسىپ كەتۋ قاۋپى بار»، - دەيدى د. اقىشيەۆ.
ونىڭ ايتۋىنشا، ۇكىمەت پەن جەرگىلىكتى اتقارۋشى ورگاندار باعا مەن تاريفتەردىڭ ءوسىپ كەتۋىنە جول بەرمەۋ بويىنشا شارالار كەشەنىن ىسكە اسىرعان جاعدايدا 2016-جىلى ينفلياتسيا دەڭگەيىن بەكىتىلگەن بولجامعا قول جەتكىزۋگە بولادى. «ۇلتتىق بانك ءوز تاراپىنان اقشا جانە ۆاليۋتا نارىقتارىندا تۇراقتىلىقتى قامتاماسىز ەتۋگە باعىتتالعان ايقىن اقشا-كرەديتتىك ساياساتىن جالعاستىرۋدى قامتاماسىز ەتەتىن بولادى»، - دەدى د. اقىشيەۆ.
