ۇكىمەت باسشىسى مينيسترلەرگە شەتەلگە ساپارمەن شىعۋعا تىيىم سالدى
«پرەزيدەنتتىڭ بىزگە بەرگەن تاپسىرماسى انىق ءارى ناقتى. ونىڭ بارلىعى بەلگىلەنگەن مەرزىمدە جانە ساپالى ورىندالۋى ءتيىس. سوندىقتان ءبىزدىڭ ءبارىمىزدى دە قاۋىرت جۇمىس كۇتىپ تۇر. ەلباسىمەن بىرگە بولاتىن ساپارلار بولماسا، بۇكىل شەتەلدىك ساپارلاردى جىلدىڭ سوڭىنا دەيىن توقتاتا تۇرۋ كەرەك. اسا ءبىر قاجەتتىلىك تۋىنداي قالسا، وندا مەنىڭ جەكە وكىمىم بويىنشا شىعاسىزدار. ەلىمىزدىڭ وڭىرلەرىنە جۇمىس ساپارلارىڭىزدى دا كەلىسىم بويىنشا جاسايسىزدار»، - دەدى ب. ساعىنتايەۆ بۇگىن العاش رەت ۇكىمەت وتىرىسىن وتكىزۋ بارىسىندا.
«سىزدەرگە ۇكىمەت باسشىلىعى تاراپىنان قانداي شەشىمدەر كەرەك، تەز ارادا انىقتاپ، ۇسىنىستارىڭىزدى ەنگىزىڭىزدەر. تاعىدا ءبىر ماسەلە، ءبىز قابىلداعان شەشىمدەردىڭ بارلىعى قاراپايىم حالىققا تۇسىنىكتى ءارى جەڭىل بولۋى ءتيىس. ءبىزدىڭ كەز كەلگەن شەشىمدەرىمىز جۇرتشىلىققا دەر ۋاقىتىندا جەتىپ، ماقسات-مىندەتتەر مەن ولاردى شەشۋدىڭ جولدارىن ۇنەمى ءتۇسىندىرىپ وتىرۋ كەرەك»، - دەدى ول.
