وتىرار اۋدانىنىڭ اكىمى جازيرا جاپپارقۇلدى تەراكتىدەن كوز اشپاي جۇرگەن ەلگە دەمالىسقا جىبەردى
وڭتۇستىك قازاقستاندىقتار ريو وليمپياداسىندا ەل قورجىنىنا كۇمىس سالعان زىلتەمىرشى جازيرا جاپپارقۇلعا دەگەن قۇرمەت كورسەتۋىن ءالى جالعاستىرىپ جاتىر. وتىرار اۋدانىنىڭ اكىمى ەرلان ايتاحانوۆ سپورتشىعا ەرەكشە سىيلىق تارتۋ ەتىپ، جۇرتشىلىقتىڭ جاعاسىن ۇستاتتى. ياعني، سەناتور قۋانىش ايتاحانوۆتىڭ ۇلى ەرلان قۋانىش ۇلى جاپپارقۇلعا انتالياعا دەمالىسقا جولداما تارتۋ ەتتى.
ەستەرىڭىزگە سالا كەتسەك، بۇعان دەيىن وڭتۇستىك قازاقستان وبلىسىنىڭ اكىمى بەيبىت اتامقۇلوۆ سپورتشىعا ەكى پاتەر كىلتىن تابىس ەتىپ، جول تالعامايتىن «دجيپ» تەمىر تۇلپارىن مىنگىزگەن بولاتىن. ال تۇركىستاندىق كاسىپكەر ءارى وبلىستىق ءماسليحات دەپۋتاتى ءوز اتىنان جەڭىل اۆتوكولىك سىيلادى. سونىمەن قاتار ريودان ەلگە ورالعان زىلتەمىرشى مەملەكەتتەن بەرىلەتىن سىياقىنى تولىعىمەن جيەنىنىڭ ەمىنە جۇمسايتىنىن ءمالىم ەتتى.
ونىڭ بۇل ارەكەتى جۇرتشىلىقتى مەيىرىمگە بولەپ، وسىدان كەيىن قازاقستاندىق جۋرناليست المات ءابدىرامان ونى «التىن جۇرەك» جۇلدەسىنە لايىق ەكەنىن ايتقان ەدى.
