يتاليالىقپەن قوسىلىپ ءان شىرقاعان ادەمىگە كيركوروۆ ەڭ جوعارعى باعا بەردى
ادەمى مەن ۆالتەر ريچچي رەسەيلىك ءانشى كريستينا ورباكايتەنىڭ «سۆەت ۆ تۆوەم وكنە» (Messages of love) ءانىنىڭ اعىلشىنشا نۇسقاسىن ورىندادى. قوس ءانشىنىڭ ايتقان ءانىن لەونيد اگۋتين، فيليپپ كيركوروۆ، ۆالەري جانە كونستانتين مەلادزە، ۆالەريا سەكىلدى انشىلەر باعالادى. ءادىلقازىلار اراسىندا وتىرعان فيليپ كيركوروۆ دۋەتكە ەڭ جوعارعى ۇپايدى بەردى.
«مىنە، ءبارى دە ءوز مارەسىنە جەتتى! مەن يتاليالىق ءانشىنىڭ جەڭىسىنە ءسال دە بولسا ءوز ۇلەسىمدى قوسقانىما قۋانىشتىمىن. ول 1-ورىن الدى. يتاليا، سەنىم ارتقانىڭ ءۇشىن كوپ راحمەت!»، - دەپ جازدى ءانشى جەلىدەگى پاراقشاسىنا.
ايتا كەتەرلىگى، قازاقستاندىق ءانشىنىڭ ونەرىنە «جاڭا تولقىن» بايقاۋىن ۇيىمداستىرۋشى، رەسەي شوۋ-بيزنەسىنىڭ جارقىن وكىلى الەكساندر ريەۆزين دە جوعارى باعا بەرگەن كورىنەدى. ول ادەمىنى «ۇلى» دەپ اتاعان.
«ۇلى... ودان وسى ءسوزدى ەستىگەن سوڭ، ودان ءارى دامىعىڭ كەلەدى، ءوزىڭدى ءوزىڭ جەتىلدىرگىڭ كەلەدى، كەمەلدەنە تۇسكىڭ كەلەدى. سىزدەرگە ۇلكەن راحمەت! ءسىز وتە مىقتى ادامسىز! باس يەمىن»، - دەپ جازدى ءانشى.
