پرەمەر-مينيستر باقىتجان ساعىنتايەۆتىڭ قىزى جايلى نە بىلەمىز؟
باقىتجان ساعىنتايەۆتىڭ ۇلكەن قىزى 29 جاستاعى مەرۋەرت يبراگيم - Qazaq banki اكسيونەرى باحىت يبراگيمنىڭ جۇبايى. ءبىراق، ىسكەر ادامنىڭ جارى بولىپ قانا قويۋ ول ءۇشىن ازدىق ەتەدى. مەرۋەرت Buro24/7.kz. قازاقستاندىق ساندىك پورتالىنىڭ نەگىزىن قالاۋشىسى.
مەكتەپتى بىتىرىسىمەن مەرۋەرت لوندونعا حالىقارالىق بيزنەستى مەڭگەرۋگە كەتەدى، سوندا ساعىنتايەۆتىڭ كىشى قىزى - ناديرا اراپوۆا دا وقىعان. مەرۋەرتتىڭ كۇيەۋى - باحىت يبراگيم - جۇبايىنا قاراعاندا ەل نازارىنا كوپ ىلىكپەيتىن ادام. ول - «اۋليە-اتا» ۋنيۆەرسيتەتىنىڭ شىمكەنتتەگى فيليالىنىڭ تۇلەگى. ونىڭ پرەمەر - ءمينيستردىڭ قىزىمەن تويى 2008-جىلى وتكەن، بۇل - باحىتتىڭ ەكىنشى نەكەسى. 1 ميلليون دوللار كولەمىندە قارجى جۇمسالعان توي Rixos پەن Radisson قوناق ۇيلەرىندە وتكەن.
مەرۋەرت يبراگيم Buro24/7 ساندىك پورتالىنىڭ فرانشيزاسىن قۇربىسى ميروسلاۆا دۋمادان ساتىپ الادى. Fashion-سفەرا ساعىنتايەۆتىڭ قىزى ءۇشىن تەك حوببي عانا ەمەس. پرەمەردىڭ قىزى Vogue-عا بەرگەن ءبىر سۇحباتىندا: «مەن الماتىنىڭ قانداي سۇلۋ ەكەنىن، ەڭ تالانتتى ديزاينەرلەر مەن ءسانقوي ادامدار ءومىر سۇرەتىنىن بۇكىل الەمگە كورسەتكىم كەلەدى»، - دەگەن ەدى.
ايتا كەتەيىك، مەرۋەرت قازاقستاندا Fashion يندۋسترياسىن دامىتۋ ءۇشىن لوندوننان قايتىپ كەلگەن.
مەرۋەرت سانگە دەگەن قىزىعۋشىلىعىنىڭ ارتۋى اناسىنىڭ ارقاسىندا ەكەنىن ايتادى. ونىڭ اناسى قىزىن كەز كەلگەن شاراعا ۇنەمى ادەمى كيىندىرۋگە تىرىساتىن بولعان. مەرۋەرت ءتۇرلى، ءتىپتى مۇلدەم ۇيلەسپەيتىن ستيلدەردى ارالاستىرىپ كيىنگەندى جاقسى كورەدى ەكەن. ءبىر قاراعاننان كوزگە تۇسەتىن تۇستەر وتە ەرەكشە كورىنەدى.
«ءبىزدىڭ قىزدار وزدەرى بىلمەستەن ۇلكەن ايەلدەرشە كيىنەدى. مەن مۇنى ەشقاشان تۇسىنگەن ەمەسپىن. جاس كەزىڭدە، تۇرلىشە كيىنىپ كورۋگە دە بولادى ەمەس پە؟»، - دەپ پىكىرىن ءبىلدىردى ول Elle باسىلىمىنا بەرگەن سۇحباتىندا.
Vogue باسپاسى مەرۋەرتتى «يكونا ستيليا» دەپ اتاپ، ءاردايىم street-style رۋبريكاسىندا سۋرەتتەرىن جاريالاپ تۇرادى.
