قايرات نۇرتاس جاڭا فيلمىندە جۇرتتان جاسىرعان قۇپياسىن اشپاق

استانا. قازاقپارات - ءانشى «قايراتتىڭ قۇپياسى» اتتى فيلمنىڭ ءتۇسىرىلىم جۇمىستارىنا دايىندالىپ جاتىر.

ول اتالعان تۋىندىدا جۇرتتان جاسىرعان قۇپياسىن اشاتىنىن جەتكىزدى.

بۇل تۋرالى استانا ارناسىنىڭ «ەل اۋزىندا» باعدارلاماسىندا ايتىلدى.

بۇگىندە ەلىمىزدىڭ ەلەۋلى انشىسىنە اينالىپ ۇلگەرگەن قايرات نۇرتاستى بىرەۋلەر سىنايدى، ەندى بىرەۋلەر ول ءۇشىن جىلايدى. دەسە دە، جىگەرلى جىگىت سىننان ساباق العان سىڭايلى. ءبىر مينۋتىن دا بوس وتكىزبەي ونەر يەسى تاعى دا كينو ءتۇسىرىپ جاتىر. الايدا بۇل جولى فيلم بۇرىنعىسىنان وزگەشە بولماق.

«قايراتتىڭ قۇپياسى» دەگەن جەكە ءوزىمنىڭ فيلمىمە دايىندىق ۇستىندەمىز. بۇل جەردە مەنىڭ ءوزىمنىڭ قۇپيامدى حالىققا اشۋدى ءجون كورىپ وتىرمىن. بار بولعانى وسى. مەندە اكتەر بولىپ كەتەمىن دەگەن وي جوق. مەن ءاردايىم ءانشى بولىپ قالا بەرەمىن»، - دەيدى قايرات نۇرتاس.

سوڭعى ۋاقىتتا قايرات مىرزا جۇرەگىندەگى جاراسىن انمەن ەمەس، كينو ارقىلى كورسەتۋدى ادەتكە اينالدىرعان سىڭايلى. بۇل تۋىندى كەي كورەرمەن ءۇشىن گولليۆۋدتىق تۋىندىدان اسىپ تۇسپەك. سەبەبى، تۋىندىدا ءانشىنىڭ جەكە ءومىرى تۋرالى باياندالۋى مۇمكىن. «فيلمنىڭ نە تۋرالى بولاتىنىن ازىرگە ايتا المايمىن. ويتكەنى، كورەرمەنگە قىزىق بولماي قالۋى مۇمكىن. ازىرگە قۇپيا بولىپ قالا بەرسىن. قازان ايىندا، اللا قالاسا، فيلمنىڭ ءتۇسىرىلىم جۇمىستارىنا كىرىسەمىز»، - دەيدى ءانشى.

ەستەرىڭىزگە سالا كەتسەك، بىرنەشە اي بۇرىن سيۆي ماحمۇدي قايرات نۇرتاستىڭ بۇل فيلمىنە ايەلى مەن ونىڭ ءتورت بالاسىنىڭ تۇسەتىنىن ايتىپ قالعان-دى. دەسە دە، قايرات نۇرتاس بۇل اقپاراتتى راستاۋدان باس تارتتى.