مەملەكەتتىك ورگاندار ب ا ق- پەن سەنىمگە نەگىزدەلگەن بايلانىستاردى قۇرۋى ءتيىس - داۋرەن ابايەۆ
بۇل تۋرالى بۇگىن استانادا كوممۋنيكاتسيالىق مەديا-مەنەدجمەنت جانە قارجىلىق ساۋاتتىلىق تاقىرىبىنداعى سەميناردا ق ر اقپارات جانە كوممۋنيكاتسيالار ءمينيسترى داۋرەن ابايەۆ ءمالىم ەتتى.
«اتقارىلاتىن ىسكە قاتىستى دۇرىس قاتىناستىڭ بولۋى، وسى رەتتە ءوز ءىسىڭنىڭ كاسىبي مامانى بولۋى دا وتە ماڭىزدى. ءبىز قارقىندى وزگەرىستەر بولىپ جاتقان ۋاقىتتا ءومىر سۇرۋدەمىز. قازىرگى زامانعى تەحنولوگيالاردىڭ ارقاسىندا بۇگىنگى كۇننىڭ اقپاراتتىق بەينەسى الۋان ءتۇرلى. بۇقارالىق اقپارات قۇرالدارى بەتتەرىندە وقيعالار جەلىسىنىڭ كەڭ شوعىرى كورىنىس تابۋدا، ياعني بۇل تۇرعىدا وتاندىق ۆاليۋتا باعىمىنان باستاپ، باسقا جارتىشارداعى تابيعي اپاتقا دەيىن قامتىلادى. بىزگە بارلىق اقپارات قىزىقتى جانە ونىڭ بارشاسىن ءبىلۋىمىز كەرەك»، - دەپ توقتالدى مينيستر.
بۇگىندە نيۋسمەيكەرلەردىڭ سانى دا ايتارلىقتاي ارتقانىنا توقتالعان د. ابايەۆ، الەۋمەتتىك جەلىلەر مەن قولجەتىمدى گادجەتتەردىڭ ارقاسىندا قىزىقتى اقپاراتتىق اۆتورى رەتىندە ينتەرنەتتىڭ كەز كەلگەن پايدالانۋشىسى بولا الاتىنىن جەتكىزدى.
سونىمەن قاتار مينيستر حالىقپەن ءتيىمدى كوممۋنيكاتسيالاردىڭ تەتىكتەرىن ۇدايى جەتىلدىرىپ وتىرۋ كەرەكتىگىن ايتا كەلە، «بۇعان ۇنەمى مەملەكەت باسشىسىمىز نازار اۋدارۋدا. بۇگىندە مەملەكەتتىك ورگاندار كۇندەلىكتى حالقىمىزدىڭ ءال-اۋقاتىن جاقسارتۋعا نەگىزدەلگەن ستراتەگيالىق باعدارلامالاردىڭ ونداعان باعىتتارىن ىسكە اسىرۋدا. الايدا، وسىنداي جۇمىستىڭ اقپاراتتىق ناتيجەسىن قاناعاتتانارلىق دەپ ايتۋ قيىنداۋ»، - دەدى.
وسى رەتتە د. ابايەۆ اتقارىلعان جەمىستى جۇمىستار ءتيىستى دەڭگەيدە جۇرتشىلىققا جەتكىزىلۋى قاجەت، بۇگىنگى اقپاراتتىق شىنايىلىقتا بارشاسى ءتيىمدى جۇمىس ىستەۋ كەرەكتىگىن اتاپ ءوتتى.
«ول ءۇشىن مەملەكەتتىك ورگاندار ساپالى، تۇسىنىكتى جانە ادامدار ءۇشىن قىزىقتى اقپاراتتى بەرۋى ءتيىس، سونداي-اق بارىنشا جەدەلدىلىك تانىتىپ، ب ا ق- پەن سەنىمگە نەگىزدەلگەن ىسكەرلىك بايلانىستاردى قۇرۋ كەرەك»، - دەدى مينيستر.
اتالعان سەميناردى ق ر اقپارات جانە كوممۋنيكاتسيالار مينيسترلىگى، ق ر قارجى مينيسترلىگى ۇيىمداستىرىپ وتىر.
شاراعا مەملەكەتتىك قۇرىلىمداردىڭ توپ-مەنەدجەرلەرى، باس رەداكتورلار، باسپا ءسوز قىزمەتىنىڭ جانە جۋرناليستىك پۋلدىڭ وكىلدەرى قاتىسۋدا. سەمينار بارىسىندا سپيكەرلەر رەتىندە مەديا-سالاداعى بەدەلدى ادامدار مەن ساراپشىلار شاقىرىلدى.
