ق ر مەملەكەتتىك قىزمەت ىستەرى مينيسترلىگى قايتا ۇيىمداستىرىلدى
بۇل تۋرالى اقوردانىڭ باسپا ءسوز قىزمەتى حابارلادى.
«قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىن قايتا ۇيىمداستىرۋ تۋرالى» جارلىق
قازاقستان رەسپۋبليكاسى كونستيتۋتسياسىنىڭ 44-بابى 3)، 5) تارماقشالارىنا، «قازاقستان رەسپۋبليكاسىنىڭ پرەزيدەنتى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 17-1-بابىنا سايكەس، مەملەكەتتىك قىزمەت جۇيەسى مەن سىبايلاس جەمقورلىققا قارسى ءىس-قيمىلدى ودان ءارى جەتىلدىرۋ ماقساتىندا قاۋلى ەتەمىن:
1. قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگى ونى قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگان رەتىندە قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگى ەتىپ قايتا قۇرۋ جولىمەن قايتا ۇيىمداستىرىلسىن.
قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگى مەملەكەتتىك قىزمەت، سىبايلاس جەمقورلىق كورىنىستەرىنىڭ جۇيەلى الدىن الۋ جانە مەملەكەتتىك كورسەتىلەتىن قىزمەتتەردىڭ ساپاسىنىڭ ساقتالۋىن باقىلاۋ سالاسىنداعى ۋاكىلەتتى مەملەكەتتىك ورگان بولىپ تابىلادى دەپ بەلگىلەنسىن.
2. قازاقستان رەسپۋبليكاسىنىڭ مەملەكەتتىك قىزمەت ىستەرى مينيسترلىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى قازاقستان رەسپۋبليكاسىنىڭ مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ سىبايلاس جەمقورلىققا قارسى ءىس-قيمىل ۇلتتىق بيۋروسى بولىپ قايتا قۇرىلسىن.
سىبايلاس جەمقورلىققا قارسى ءىس-قيمىل ۇلتتىق بيۋروسى اتالعان اگەنتتىكتىڭ قۇرىلىمىندا ۆەدومستۆو مارتەبەسىنە يە بولادى جانە قۇقىق بۇزۋشىلىقتاردىڭ الدىن الۋدى، انىقتاۋدى، جولىن كەسۋدى، اشۋدى جانە تەرگەۋدى جۇزەگە اسىراتىن قۇقىق قورعاۋ ورگانى بولىپ تابىلادى دەپ بەلگىلەنسىن.
3. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى پرەزيدەنتىنىڭ اكىمشىلىگىمەن بىرلەسىپ ءبىر اي مەرزىمدە وسى جارلىقتان تۋىندايتىن شارالاردى قابىلداسىن.
4. وسى جارلىق قول قويىلعان كۇنىنەن باستاپ كۇشىنە ەنەدى.
قازاقستان رەسپۋبليكاسىنىڭ
پرەزيدەنتى ن. نازاربايەۆ
استانا، اقوردا، 2016 -جىلعى 13- قىركۇيەك
328№
