جالعىزباستى انا ۇلىنا اكەسىن جوقتاتپاۋ ءۇشىن مەكتەپكە ەر ادامشا كيىنىپ كەلدى - فوتو

استانا. قازاقپارات - ا ق ش مەكتەپتەرىندە «وقۋشىلار مەن اكەلەرىنىڭ كەزدەسۋى» اتتى ارنايى شارا وتكىزىلەدى. اتالمىش شارا وقۋشىلار مەن ولاردىڭ اكەلەرىنە ارنالعان.

بۇل تۋرالى 24.kz حابارلايدى.

تەحاس شتاتىنىڭ تۇرعىنى يۆەت ۆاسكەز بۇدان حابارسىز بولعان. ءبىرىنشى قىركۇيەكتە ۇلى ەلايدجا وقيتىن مەكتەپكە كەلگەن جالعىزباستى انا مەكتەپ اۋلاسىنان تەك ەر ادامداردى كورگەن. ءمان-جايدى بىلگەننەن كەيىن يۆەتتىڭ ويىنا كەرەمەت يدەيا كەلدى. تەز ارادا ۇيىنە قايتقان ول ەر ادامدارشا كيىنىپ، مۇرت جابىستىرىپ، قايتىپ كەلدى. مۇنداي قادامعا جالعىز باستى انا ۇلىنا اكەسىن جوقتاتپاۋ ءۇشىن بارىپ وتىر.

كوپ ۇزاماي ۆاسكەز جاڭا وبرازداعى سۋرەتىن جەلىدە جاريالاعان. جالعىز باستى ايەلدەر قاۋىمى ونى قولداپ، بالانى جالعىز تاربيەلەۋدىڭ قانشالىقتى قيىن ەكەندىگىن تۇسىنەتىنىن تىلگە تيەك ەتكەن. ال ۆاسكەزدىڭ ءوزى بولسا، مەكتەپتە «وقۋشىلار مەن اكەلەردىڭ كەزدەسۋىنەن» بولەك «تولىق ەمەس وتباسىلارعا» ارنالعان شارالاردىڭ وتكىزىلۋى كەرەكتىگىن باسىپ ايتتى.