تانىمال تەلەجۇرگىزۋشى اسحات تارعىننىڭ بۇرىنعى ايەلىنىڭ سۇلۋلىعىنا قايران قالدى - فوتو
مۇنىمەن قاتار، ول جۋىردا تاعى وتباسىن قۇرۋعا دايىندالىپ جۇرگەنىن جەتكىزدى.
بۇل تۋرالى 31- ارنانىڭ «ايتا بەرسىن» باعدارلاماسىندا ايتىلدى.
اسحات تارعىن «چيپ-چيپ» انىمەن تانىلسا دا، العاشقى بەينەبايانىن زاتتىبەك كوپبوسىن ۇلى سەكىلدى تۋعان جەرىنە ارناعان ەكەن. ول ءتىپتى شىعارماشىلىق كەشىن وتكىزىپ ۇلگەرگەن. اۋىلداعى تويلاردىڭ ءسانىن كىرگىزىپ ءتۇرلى ءان ايتقان. ءتىپتى اندەرى «وبلىس ءحيتى» دەگەن اتقا يە بولعان. اۋىلداعى تويلاردا ءان سالىپ قانا قويماي، اسابالىق قىزمەت اتقارعان. مۇنىمەن قاتار، ءانشىنىڭ جۇرت بىلە بەرمەيتىن تاعى ءبىر قىرى بار ەكەن. ول 14 جىل بويى كەلىندەردىڭ بەتىن اشقان.
«1999-جىلدان بەرى كەلىندەردىڭ بەتىن اشىپ كەلەمىن. شىنى كەرەك، «چيپ-چيپ» انىمەن تانىلعانعا دەيىن بەت اشىپ ءجۇردىم. قازىرگى تاڭدا قازاقستاندىقتار مەنىڭ كەلىننىڭ بەتىن اشاتىنىمدى بىلمەيدى. قازىر كوپ قولىم تيە بەرمەيدى. دەسە دە، «كەلىننىڭ كەلىپ بەتىن اشىپ بەر» دەسە دايىنمىن»، - دەيدى اسحات تارعىن.
ءانشى وسى كۇنگە دەيىن ءوزىنىڭ جەكە ءومىرى جايلى ايتپايتىن. الايدا ۇيىنە قوناققا بارعان تەلەجۇرگىزۋشى اننا دانشەنكو ونىڭ ەكس سۇيىكتىسىنىڭ سۋرەتىن البومنان كورىپ قالىپ، ءتۇرلى سۇراق قويۋعا كىرىسەدى. تەلەجۇرگىزۋشىنى سۇلۋلىعىمەن تامساندىرعان كەلىنشەكتىڭ ەسىمى گۇلشات ەكەن. اسحات تارعىن بۇرىنعى كەلىنشەگىنىڭ سۋرەتىن ءالى كۇنگە دەيىن نە ءۇشىن ساقتاپ جۇرگەنىن ءتۇسىندىردى.
«ناعاشىلارىمنىڭ وتباسىن ءبىر جاڭا جىلدىق مەرەكەدە قۇتتىقتاپ بارعان كەزدە تۇسكەن بولاتىنبىز. بۇل، راسىمەن، بۇرىنعى كەلىنشەگىم. ول كىسىنىڭ ۇيدە مۇلدەم سۋرەتى جوق ەدى. قالىپ قويعان ەكەن. ەستەلىك رەتىندە تۇرا بەرسىن. (كۇلدى.) ەكەۋىمىز شاڭىراق كوتەرگەن كەزدە مەن 22، ول 20 جاستا بولاتىن. وتاسقان سوڭ ءۇش جىل ۋاقىت بىرگە تۇردىق. ءبىر جىلدان سوڭ قىزدى بولدىق. اركىمنىڭ ءوز تاعدىرى بولادى عوي. دەسە دە، ەكەۋىمىز اجىراسىپ كەتەمىز دەپ ەش ويلاماعان ەدىك. وتكەن ىسكە وكىنبەيمىز»، - دەيدى ءانشى.
ءانشىنىڭ بۇرىنعى كەلىنشەگىنەن تۋعان ايىم ەسىمدى 12 جاستاعى قىزى بار. قىزى بالا كۇنىندە «باسقالاردىڭ اكەسى قىزدارىمەن بىرگە تۇرادى. سەن نەگە بىزبەن بىرگە تۇرمايسىڭ؟» دەپ ءجيى سۇراعان ەكەن. اسحات تارعىنوۆ وسى ساۋالدان كەيىن كوپكە دەيىن جۇرەگىنىڭ اۋىرىپ، ءوز-وزىنە كەلە الماي جۇرگەنىن جاسىرمايدى. مۇنىمەن قاتار، ول جۋرناليستىڭ «ءسىز قانداي اكەسىز؟» دەگەن سۇراعىنا جاۋاپ بەردى.
«قالاي ايتسام ەكەن؟! مەن بۇرىن ۇيلەنىپ وتباسىلى بولدىم. وسى قىزىم دۇنيەگە كەلدى. ۋاقىت وتە كەلە كەلىنشەگىممەن ءدام-تۇزىمىز جاراسپاي اجىراسىپ كەتتىك. قىزىمىز ءۇشىن دەپ بىرگە تۇرىپ كورگەن كەزىمىز دە بولدى. ارتىنشا قىزىم اناسىنىڭ قولىندا قالدى. ءبىراق ايىممەن ەتەنە جاقىن ارالاسامىن. ەكەۋىمىز ءبىر جارىم جىل عانا بىرگە تۇردىق. قانداي اكە ەكەنىمدى قىزىم ەسەيگەن شاعىندا ءوزى باعالاي جاتار. ايىمنان قولىمنان كەلگەننىڭ بارلىعىن ايامايمىن. باستاپقىدا قيىن ۋاقىتتار بولعانىن دا جاسىرمايمىن. قىزىم بالاباقشاعا بارىپ جۇرگەن شاعىندا «جۇرتتىڭ اكەلەرى وتباسىمەن بىرگە تۇرادى. سەن نەگە ۇيگە كەلمەيسىڭ؟» دەپ سۇرادى. سول كەزدە وسى سوزدەرىن جۇرەگىمە جاقىن قابىلداپ، قاتتى قينالدىم.
وعان ۇنەمى «ءبىز بولەك تۇرساق تا، مەن كەز كەلگەن جاعدايدا كومەكتەسۋگە ءازىرمىن. اكەڭ جوق ەمەس، بار! سەنى ءوسىرىپ باعامىن، وقىتامىن، توقىتامىن» دەپ ايتىپ وتىرامىن. قازىر ءوزى دە ءجايلاپ تۇسىنە باستادى. اناسى وعان وتە دۇرىس تاربيە بەردى دەپ ويلايمىن. وسى كۇنگە دەيىن قىزىمنىڭ مەنىمەن ارالاسىپ كەلە جاتقانى اناسىنىڭ تاربيەسىنىڭ ارقاسى دەپ بىلەمىن»، - دەيدى اسحات تارعىنوۆ.
زاڭدى جۇبايىمەن 3 جىل بىرگە تۇرعان اسحات مىرزا اجىراسقالى ونى كورمەگەن. بار بولعانى ونىڭ ءالى كۇنگە دەيىن وزگە ەر ازاماتپەن وتباسىن قۇرماعانىن بىلەدى ەكەن. مۇنىمەن قاتار، ءانشى ءوزىنىڭ جۋىردا وتباسىن قۇراتىندىعىن ايتىپ ءوتتى. «ول تۇرمىس قۇرماعان سياقتى. تۇرمىس قۇرسا، قىزىمنان ەستيتىن ەدىم. ءبىراق مەن ول كىسىنىڭ ەكىنشى رەت وتباسىلى بولىپ، پەرزەنت سۇيۋىنە تىلەكتەسپىن. ەكەۋىمىز تەك بالانىڭ شارۋاسىمەن سويلەسەمىز. ونىڭ وزىندە قىزىم ارقىلى عانا. ارامىزدا قانداي دا ءبىر رەنىش جوق. ءبىراق كوڭىلىڭ قالعان سوڭ، كورىسۋدى دە قاجەتسىنبەيدى ەكەنسىڭ. مەنىڭ ءبىر-ەكى رەت ۇيلەنۋگە مۇمكىنشىلىگىم بولدى. ونەر جولىن قۋامىن دەپ ءجۇرىپ جاسىم 30 دان اسىپ كەتتى. ەندى بۇيىرسا ۇيلەنۋ ويىمدا بار»، - دەيدى ءانشى.
