حالىقارالىق ىزدەۋدە بولعان «قورعاس ءىسى» بويىنشا سوڭعى كۇدىكتى - ب. قايىربايەۆ ۇستالدى

استانا. قازاقپارات - سىبايلاس جەمقورلىققا قارسى ءىس- قيمىل ۇلتتىق بيۋروسى الماتى وبلىسى اۋماعىنان «قورعاس ءىسى» بويىنشا حالىقارالىق ىزدەۋدە بولعان سوڭعى كۇدىكتى بەكبولات قايىربايەۆتى ۇستادى.

بۇل تۋرالى اتالعان ۆەدومستۆونىڭ باسپا ءسوز قىزمەتىنەن حابارلادى.

تاراتىلعان اقپاراتقا قاراعاندا، ول ۇيىمداسقان قىلمىستىق توپتىڭ جەتەكشىسى ت. قايىربايەۆتىڭ تۋعان باۋىرى. ب. قايىربايەۆ ۇيىمداسقان قىلمىستىق توپ مۇشەلەرىنە قاتىستى قىلمىستىق قۋدالاۋدى توقتاتۋ ماقساتىندا قۇقىق قورعاۋ ورگاندارىنداعى جوعارى لاۋازىمدى تۇلعالاردى ساتىپ الۋ جوسپارىن جۇزەگە اسىرۋدا بايلانىستىرۋشى بۋىن بولعان.

اعاسىنىڭ تاپسىرماسىمەن ارەكەت ەتكەن ول، تانىستارى م. زيمانوۆ، ۋ. اۋباكىروۆ، قۇسمانوۆ پەن ر. ءجۇسىپوۆ ارقىلى لاۋازىمدى تۇلعالارعا 3,2 ميلليون دوللار پارا بەرگەن. ولار ءوز كەزەگىندە ت. قايىربايەۆتى قىلمىستىق جاۋاپكەرشىلىكتەن بوساتۋى ءتيىس بولعان.

ب. قايىربايەۆ 2012 -جىلدىڭ ناۋرىزىنان ىزدەۋدە بولعان ەدى. قازىرگى ۋاقىتتا ول تالدىقورعان قالالىق ءى ءى ب- نىڭ ۋاقىتشا وقشاۋلاعىشىنا قامالدى.

 ايتا كەتەرلىگى، سىبايلاس جەمقورلىققا قارسى ءىس- قيمىل ۇلتتىق بيۋروسى «قورعاس ىسىنە» قاتىسى بار ۇيىمداسقان قىلمىستىق توپتىڭ ىزدەۋدە بولعان بارلىق مۇشەلەرىن ۇستادى.