ەكى مۇسىلمان قىزدى «سيىر ەتىن جەگەنى» ءۇشىن زورلاپ تاستادى
«ولار بولعان وقيعانى ايتسام مەنى جانە مەنىڭ وتباسىمدى ولتىرەمىز دەپ قوقان- لوقى كورسەتتى» ، - دەيدى شاعىمدانعان زارداپ شەگۋشى.
20 جاستاعى ايەلدىڭ سوزىنشە شابۋىلشىلار ونىڭ اعاسى مەن تاتەسىن ءولىمشى ەتىپ ساباپ تاستاعان. كۇدىكتىلەردى ۇستاپ، ولارعا كىسى ءولتىردى جانە ادام زورلادى دەگەن ايىپ تاعىلدى. ءزابىر كورگەن ايەلدەر مۇسىلمان بولا تۇرا، سيىر ەتىن جەمەگەندەرىن ايتۋدا.
BBC News اتاپ وتكەندەي، قىلمىس ورىن العانعا دەيىن، جەرگىلىكتى بيلىك قوي ەتى دەگەن تاماقتا سيىر ەتى بار- جوعىن پوليتسيا تەكسەرەدى دەپ مالىمدەگەن. بۇل ەتتى اۋىستىردى دەگەن وقيعامەن بايلانىستى بولعان قىلمىس.
ۇندىلەر ءۇشىن سيىر ەڭ قاسيەتتى جانۋار، ونى ولتىرۋگە جانە ەتىن تاماقتا قولدانۋعا بولمايدى. سيىر سويۋعا ءۇندىستاننىڭ باتىس بەنگالياسىنان باسقا ەلدىڭ بارىنە تىيىم سالىنعان.
ءۇندىستاندا قىزدارعا زورلىق- زومبىلىق كورسەتۋ ەڭ اكتۋالدى پروبلەمانىڭ ءبىرى. 2013 -جىلى ەل بيلىگى مۇنداي قىلمىسقا قاتىستى جازانى كۇشەيتكەن بولاتىن. بۇل پروبلەمانىڭ جەرگىلىكتى جەردە عانا ەمەس، ءۇندىستاندا دا كەڭىنەن كوتەرىلۋىنە 23 جاستاعى ستۋدەنت قىز سەبەپشى بولعان، ونى 2012 -جىلدىڭ جەلتوقسان ايىندا دەلي اۆتوبۋسىندا التى ەركەك زورلاعان. اۋىر جاراقات سالدارىنان جابىرلەنۋشى قازا تاپتى. ايىپتى دەپ تانىلعان التى قىلمىسكەردىڭ بىرەۋى تۇرمەدە وزىنە قول جۇمساسا، تورتەۋىن ءولىم جازاسىنا كەستى، ال تاعى بىرەۋى كامەلەت جاسقا تولماعانى ءۇشىن - ءۇش جىل تۇرمە جازاسىنا كەسىلدى.
اۋىر ۇكىمگە قاراماستان ءۇندىستاندا قىز زورلاۋ قىلمىسى ازايىپ جاتقان جوق.
Qamshy.kz
