14:20, 13 - قىركۇيەك 2016 | GMT +5
كوكشەتاۋدا تەگىن دۇكەن اشىلدى
كوكشەتاۋ. قازاقپارات - كوكشەتاۋداعى ناۋان حازىرەت اتىنداعى ورتالىق مەشىت جانىنان اشىلعان الەۋمەتتىك جاعىنان از قامتىلعان تۇرعىندار ءۇشىن تەگىن دۇكەن جۇمىس ىستەۋدە.
قازاقستان مۇسىلماندارى ءدىني باسقارماسىنىڭ اقمولا وبلىسىنداعى وكىلى، ناۋان حازىرەت اتىنداعى كوكشەتاۋ ورتالىق مەشىتىنىڭ باس يمامى قانات قىدىرميننىڭ ايتۋىنشا، وسى كۇنى دۇكەن وزدەرىنە بەكىتىلگەن الەۋمەتتىك جاعىنان از قامتىلعان 60 وتباسىنا تەگىن قىزمەت كورسەتۋدە.
اتالعان وتباسىلارى وسى جەردەن تەگىن ازىق- تۇلىك، كيىم- كەشەك جانە وزگە دە قاجەتتى تۇرمىستىق زاتتاردى الا الادى. دۇكەن قايىرىمدى ادامداردىڭ دەمەۋشىلىك كومەگىنىڭ ارقاسىندا جۇمىس ىستەۋدە.
