ق. كەلىمبەتوۆ سينگاپۋردا ەل ۇكىمەتى مەن قارجى ۇيىمدارىنىڭ باسشىلىعىمەن كەزدەستى
ا ح ق و- نىڭ باسپا ءسوز قىزمەتىنەن حابارلاعاندا ي، ق. كەلىمبەتوۆ س ر پرەمەر- ءمينيسترىنىڭ ورىنباسارى تحارمان شانمۋگاراتناممەن سونداي- اق، اتالمىش ەلدىڭ قارجى مينيسترلىگىنىڭ، اقشا- نەسيە باسقارماسىنىڭ (MAS) ، مەملەكەتتىك ينۆەستيتسيالىق كورپوراتسيانىڭ (GIC) ، «Temasek» ۇلتتىق ءال- اۋقات قورىنىڭ، بۋحگالتەرلىك ەسەپ جانە كورپوراتيۆتىك رەتتەۋ اگەنتتىگىنىڭ (ACRA) ، سر ەكونوميكالىق دامۋ اگەنتتىگىنىڭ (EDB) ، «Singapore Exchangە» (SGX) قور بيرجاسىنىڭ، قامتاماسىز ەتۋ ورتالىق قورىن (CPF) مەن سر ستاندارتتاۋ، ونىمدىلىك جانە يننوۆاتسيالار اگەنتتىگىنىڭ باسشىلارىمەن كەزدەستى.
بۇدان باسقا، دەلەگاتسيا جەرگىلىكتى بانكتەر وكىلدەرىمەن كەزدەستى.
ق. كەلىمبەتوۆ سينگاپۋر رەسپۋبليكاسىنىڭ ەكونوميكا جانە قارجى سالاسى وكىلدەرىمەن كەزدەسۋ بارىسىندا ا ح ق و- نىڭ قىزمەتى مەن ونىڭ نەگىزگى باعىتتارىن دامىتۋ بويىنشا اتقارىلىپ جاتقان شارالار تۋرالى بايانداپ بەردى. ول قازاقستاندىق قارجى ورتالىعى ءۇشىن سينگاپۋردىڭ كاپيتال نارىعىن دامىتۋ تاجىريبەسىن زەردەلەۋ وتە ماڭىزدى ەكەندىگىن اتاپ ءوتتى.
تۇتاستاي العاندا، سينگاپۋرداعى ق ر ەلشىلىگىمەن بىرلەسىپ جاسالعان جانە وتكىزىلگەن كەزدەسۋلەردىڭ كەڭ اۋقىمدى باعدارلاماسى باسەكەگە قابىلەتتى، تۇراقتى، جوعارى تەحنولوگيالىق جانە وتە ىڭعايلى قارجى ورتالىعىن قۇرۋ ىسىنە قاتىستى ەكى ەلدىڭ قارجى ورتالىقتارى اراسىنداعى ءوزارا تىعىز ءىس- قيمىل جاساۋ ماسەلەلەرىن جان- جاقتى تالقىلاۋعا مۇمكىندىك بەردى. تاراپتار اقشا- نەسيەلىك باسقارۋ، قارجى قىزمەتتەرىن قاداعالۋ جانە قارجىلىق تۇراقتىلىق مونيتورينگى، قور نارىعىن دامىتۋ، اكتۆيتەردى باسقارۋ، ينۆەستيتسيالىق قۇرالداردى ەنگىزۋ جانە ولاردى ءتيىمدى پايدالانۋ جانە ت. ب. ماسەلەلەردە تاجىريبە الماسۋ مۇمكىندىگىن قاراستىردى.
ا ح ق و دەلەگاتسياسى سونداي- اق لي كۋان يۋ اتىنداعى مەملەكەتتىك ساياسات مەكتەبىنىڭ (مسم) ورتالىق ءۇشىن ارنايى ۇيىمداستىرعان سەمينارىنا قاتىسىپ، ق. كەلىمبەتوۆ م س م تىڭداۋشىلارىنا ارناپ ءدارىس وتكىزدى.
