12:22, 13 - قىركۇيەك 2016 | GMT +5
تاشكەنتتە يسلام كاريموۆتىڭ قۇرمەتىنە مەشىت اشىلادى
استانا. قازاقپارات - تاشكەنتتە قايتىس بولعان وزبەكستان پرەزيدەنتى يسلام كاريموۆتىڭ قۇرمەتىنە مەشىتكە «يسلوم وتا» اتاۋى بەرىلدى. بۇل تۋرالى پرەزيدەنتتىڭ قىزى لولا كاريموۆا- تيلليايەۆا ءوزىنىڭ Instagram جەلىسىندەگى پاراقشاسىندا جازدى. ونىڭ ايتۋىنشا، مەشىت جاقىن ارادا اشىلادى.
«ماعان جانە كۇيەۋىم تيمۋر تيلليايەۆقا مەشىتتىڭ عيماراتىن سالۋعا مۇمكىندىك بەرگەنى ءۇشىن قۇدايعا ايتار العىسىم شەكسىز. مەشىتتى سالۋ جۇمىستارى وتكەن جىلدىڭ سوڭىندا باستالىپ، توعىز اي بويى جالعاستى. وزبەكستاننىڭ تۇڭعىش پرەزيدەنتى، مەنىڭ اكەم يسلام كاريموۆتىڭ قۇرمەتىنە مەشىتتىڭ اتىن «يسلوم وتا» دەپ قويدىق"، - دەپ جازدى لولا كاريموۆا- تيلليايەۆا.
