شينجياڭنىڭ قۇتىبي اۋدانىندا «بابالار سازى، بالا جۇرەكتە» اتتى ويىن- ساۋىق شاراسى ءوتتى

استانا. قازاقپارات - «سىبىزعى مەكەنى» اتالعان قۇتىبي اۋدانى تورعايتى قالاشىق سەنترلى مەكتەبى كوپتەگەن جەتكىنشەك سىبىزعىشىلاردى تاربيەلەپ، جەتىستىرىپ كەلە جاتقان ونەر بەسگى.

اتالعان مەكتەپ قۇتىبي اۋداندىق «سىبىزعىشلار قوعامى» مەن بىرلەسىپ، وقۋشىلاردىڭ سىبىزعى ونەرىن دامىتۋ، مەكتەپتى جالپى حالققا تانىستىرۋ، سونىمەن بىرگە قۇربان ايت مەرەكەسىن قارسى الۋ بايلانىسمەن تۇڭعىش كەزەكتى «بابالار سازى، بالا جۇرەكتە» اتتى ويىن- ساۋىق شاراسىن وتكىزدى - دەپ حابارلايدى Baq.kz ءتىلشىسى.

سول جاقتاعى ارىپتەسىمىز اداق شايمۇرات ۇلىنىڭ حابارلاۋىنشا، تورعايتى قالاشىق سەنترلى مەكتەبىنىڭ ىرگەتاسى 1935 -جىلى قالانعان. قازىرگى كەزڭگە جەتكەندە زاماناۋي تالاپتارعا ۇيلەسەتىن، قىزمەت كەڭسەلەرى جۇيەلەنگەن، 104 وقىتۋشى- قىزمەتكەرى، 17 كلاسس، 100 دەن استام ەگىنشى- مالشى پەرەزەنتتەرى جاتاققا جاتىپ وقيتىن اۋدان كولەمىندەگى بىردەن- ءبىر جاتاقتى مەكتەپ ەسەپتەلەدى.

جاقىنعى جىلداردان بەرى بۇل مەكتەپ دومبىرا، سىبىزعى، سۋرەت كۋرستارىن قۇرىپ، وقۋشىلاردىڭ اۋەستەرى بويىنشا تاربيەلەپ، حالىقتىڭ جاقسى باعاسىن الىپ كەلەدى.

 

ۇلاربەك دالەي ۇلى