10:41, 13 - قىركۇيەك 2016 | GMT +5
بەس جاسار قىز ولىمىنە بىرنەشە ساعات قالعاندا تۇرمىسقا شىققان
استانا. قازاقپارات - ا ق ش- تا 5 جاسار قىز ءوزىنىڭ ولىمىنە بىرنەشە ساعات قالعاندا تۇرمىسقا شىققان. تۇرمىسقا شىعۋ ناۋقاس قىزدىڭ ارمانى بولعان، - دەپ حابارلايدى WFAA تەلەارناسى.
بەس جاسار مەري مەسسەي سوزىلمالى وكپە قابىنۋى (پنيەۆمونيا) مەن مۋكوۆيستسيدوزبەن اۋىرعان. ءولىم اۋزىندا جاتقان قىز تۇرمىسقا شىعۋدى ارمانداعان ەكەن. سودان ناۋقاس قىزدىڭ اتا- اناسى ونىڭ وسى تىلەگىن ورىنداماق بولىپ، ولىمىنە بىرنەشە ساعات قالعاندا اق كويلەك پەن ءتاج الىپ بەرگەن. ال قىزدىڭ سۇيىكتىسى - ونىڭ دوسى، 6 جاسار دەميەن ەسىمدى جىگىت بولعان ەكەن.
ۇيلەنۋ سالتاناتى اۋرۋحانادا وتكەن. قىزدىڭ سۇيىكتىسى دەميەن 5 جاسار مەري مەسسەيگە ۇسىنىس جاساۋ ءۇشىن سوندا كەلگەن. سالتاناتتى شارادان كەيىن ولار اتا- انالارىمەن بىرگە وسى مەرەكەنى اتاپ وتەدى.
تەلەارنانىڭ مالىمەتىنشە، ۇيلەنۋ تويىنان كەيىن مەري التى ساعات ءومىر سۇرگەن. ال كەلەسى كۇنى تاڭەرتەڭ قىز قايتىس بولعان.
Kaz.tengrinews
