گەرمانيادا جۇزدەگەن قىز بالا كامەلەتتىك جاسقا تولماي نەكەلەسكەن

استانا. قازاقپارات - گەرمانياداعى بيلىك وكىلدەرىنىڭ پىكىرى ەكىگە ايىرىلدى.

ءبىرى جۇزدەگەن جاسوسپىرىمگە كۇيەۋلەرىمەن بىرگە تۇرۋعا رۇقسات ەتسە، ەكىنشىلەرى بۇل ۇردىسكە زاڭمەن تىيىم سالۋدى قۇپتاپ وتىر.

بۇل تۋرالى dailymail.co.uk باسىلىمى حابارلايدى.

قازىرگى تاڭدا گەرمانيادا 14 جاسقا دەيىنگى 361 قالىڭدىق ميگرانت رەتىندە تىركەلگەن. نەمىستەردە 18 جاستان اسقان سوڭ عانا نەكەلەسۋگە رۇقسات بەرەدى. كەي جاعدايدا 16 جاستا وتباسىن قۇرۋ ماسەلەسى قارالادى. الايدا مەملەكەتتە 18 جاسقا دەيىن وتباسىن قۇرىپ ۇلگەرگەن شەتەلدىكتەردىڭ سانى 1500 گە جەتكەن.

ءۇندى حالقى ماڭدايعا سالىناتىن قىزىل تاڭبانىڭ كۇشىنە سەنەتىندىكتەن، بۇل ءداستۇر ءالى كۇنگە دەيىن جالعاسىن تاۋىپ كەلەدى. Malda اۋىلىندا ءوتىپ جاتقان تويدا كۇيەۋى جاسوسپىرىم قالىڭدىعىنىڭ ماڭدايىنا قىزىل بوياۋمەن بەلگى سالىپ جاتىر. ءدال قازىر ەۋروپادا كامەلەت جاسقا تولماي وتباسىن قۇرىپ جاتقان قالىڭدىقتار وتە كوپ.

نەمىس شەنەۋنىكتەرى بۇل ءۇردىستى قولعا الىپ، مەملەكەت ىشىندە جۇرگەن شەتەلدىكتەرگە دە كامەلەتتىك جاسقا تولماي تۇرىپ وتباسىن قۇرۋعا تىيىم سالىپ جاتىر. جاسىلدار پارتياسى سوزدەرىنىڭ دالەلى رەتىندە وسى كۇنگە دەيىن مەملەكەتتە جۇرگەن 1475 شەتەلدىك ازاماتتىڭ كامەلەت جاسقا تولماي تۇرىپ نەكەلەسكەندەرىن كەلتىرۋدە.

ولاردىڭ كوبىسى قىز بالالار ەكەن. ولاردىڭ قاتارىندا 664 سيريالىق، 157 اۋعاندىق، 100 يراك ازاماتتارى بار. 120 عا جۋىعى 14-15 جاسقا تولماعان جاسوسپىرىمدەر، 994 ءى 16 جاستاعى جەتكىنشەكتەر.