ا ق ش- تا بۇرعىلاۋ قوندىرعىلارى سانىنىڭ ارتۋى اياسىندا مۇناي قۇنى تومەندەۋدە
ماسكەۋ ۋاقىتى بويىنشا ساعات 08:20 دا Brent ماركالى سولتۇستىك تەڭىزدىك مۇناي قوسپاسىنىڭ قاراشاداعى فيۋچەرستەرىنىڭ قۇنى %1,42 عا - باررەلىنە 47,34 دوللارعا ءتۇستى. WTI ماركالى مۇنايعا قازانداعى فيۋچەرستەر قۇنى %1,59 عا - باررەلىنە 45,15 دوللارعا دەيىن تومەندەدى، دەپ حابارلادى ر ي ا نوۆوستي.
جۇمادا جاريالانعان 9- قىركۇيەكتە اياقتالعان جۇمىس اپتاسىندا Baker Hughes دەرەكتەرى بويىنشا ا ق ش- تا بۇرعىلاۋ قوندىرعىلارىنىڭ سانى 11 بىرلىككە، نەمەسە 508 بىرلىككە دەيىن %2,21 عا ارتقان. جىلدىق ماندە كورسەتكىش 340 بىرلىككە، نەمەسە %40,09 عا قىسقاردى.
بۇل رەتتە مۇناي بۇرعىلاۋ قوندىرعىلارىنىڭ سانى 7 بىرلىككە نەمەسە 414-كە دەيىن %1,71 عا ارتتى. گاز ءوندىرۋ قوندىرعىلارىنىڭ سانى 4 بىرلىككە نەمەسە %4,54 دى قۇراپ، 92 بىرلىكتى قۇرادى. دەرەكتەر نارىقتا ۇسىنىستىڭ كوپ بولۋى سالدارىنان جاعدايدىڭ ناشارلاۋىنان قاۋىپتەنگەن ينۆەستورلارعا كەرى اسەر تيگىزدى.
«نارىقتا بۇرىنعىشا زاپاس كوپ. بۇل ودان ءارى باعانىڭ تومەندەۋىنە الىپ كەلۋى مۇمكىن، ياعني قايتادان 40 دوللار مەجەسىنە جەتۋى ىقتيمال، - دەدى بلۋمبەرگ اگەنتتىگىنە سيدنەيدەگى CMC Markets باس نارىق تالداۋشىسى ريك سپۋنەر (Ric Spooner).
