مەيرامبەك بەسپايەۆتىڭ اۋلەتى دۇركىرەتىپ توي تويلادى - فوتو

استانا. قازاقپارات - مەيرامبەك بەسپايەۆ ءىنىسى مەيىربەك بەسپايەۆتى ۇيلەندىرىپ، كەلىن تۇسىرگەن بولاتىن. اراعا ءبىر اپتا سالىپ، بەسپايەۆتار اۋلەتىندە ۇلكەن توي تويلاندى.

 بۇل تۋرالى Stan.kz حابارلايدى.

قازاقتىڭ سالت- ءداستۇرىن بۇلجىتپاي ورىنداعان بەسپايەۆتار الدىمەن شيەلىگە بارىپ، قىزعا سىرعا سالعان. ارتىنشا قىز ۇزاتۋ تويىنان كەيىن، بەسپايەۆتاردىڭ اۋلەتىنە رابيعا ەسىمدى ارۋ كەلىن بولىپ تۇسكەن ەدى. اتا ءداستۇر جولىمەن بەتاشار ءراسىمى وتكىزىلىپ، مەيرامبەكتىڭ اۋلەتىنە اعايىن- تۋىس، دوس- جاراندارى تۇگەل جينالعان بولاتىن.

 بەتاشاردى جۇرگىزگەن تانىمال اكتەر سافۋان شايمەردەنوۆ ورتاعا مەيرامبەكتى قايىن اتا، ال ونىڭ جۇبايى ماراحابباتتى قايىن ەنە رەتىندە شاقىردى. جۇرت مەيرامبەك پەن مارحابباتتىڭ جاستاي اتا- ەنە اتانعاندارىن تۇسىنبەدى. «مەيرامبەكتىڭ اكە- شەشەسى ءتىرى بولا تۇرا، مۇنىسى نەسى؟ » -  دەپ سوكتى حالىق. الايدا كەيبىر جەلى قولدانۋشىلارى: «مەيىربەك اعاسىنىڭ ۇلى، مەيرامبەكتىڭ قولىندا وسكەندىتەن دە، اتا- ەنە اتانىپ جاتىر» ، -  دەپ جازدى.

كۇنى كەشە بەسپايەۆتار اۋلەتى ەكى جاستىڭ ۇيلەنۋ تويىن دۇركىرەتىپ اتاپ ءوتتى. دۋماندى جيىنعا قازاقتىڭ جاقسى- جايساڭدارى تۇگەل دەرلىك جينالدى.