17:42, 12 - قىركۇيەك 2016 | GMT +5
گولوۆكيننىڭ كەلەسى جەكپە- جەگى شامامەن قاي ۋاقىتتا وتەتىنى بەلگىلى بولدى
استانا. قازاقپارات - قازاقستاندىق بوكسشى گەننادي گولوۆكين اعىمداعى جىلى كوپ كۇتتىرمەي تاعى ءبىر جەكپە-جەگىن وتكىزبەك.
بۇل تۋرالى Аllboxing.ru سايتى حابارلايدى.
كەلل برۋكتى كۇنى كەشە عانا جەڭگەن گەننادي گولوۆكيننىڭ ۇزاق دەمالاتىن ويى جوق. ونىڭ كەلەسى جەكپە-جەگى لوس-اندجەلەستە (ا ق ش، كاليفورنيا شتاتى) قاراشانىڭ سوڭىندا وتپەك. ءدال سول كەشتە رينگكە نيكاراگۋالىق رومان گونسالەس تە شىعۋى ابدەن مۇمكىن.
ەسكە سالساق، 11- قىركۇيەككە قاراعان ءتۇنى لوندوندا گەننادي گولوۆكين بريتاندىق كەلل برۋكتى تەحنيكالىق نوكاۋتقا جىبەرگەن بولاتىن. جەكپە-جەكتە وڭباي كوزىنەن جاراقات العان برۋك الداعى ۋاقىتتا وتا جاساتپاق.
