13:48, 12 - قىركۇيەك 2016 | GMT +5
قىتايدا ەڭ بيىك اسپالى كوپىر سالىندى
استانا. قازاقپارات - قىتايدىڭ وڭتۇستىك- باتىسىندا گۋيچجوۋ پروۆينتسياسىندا الەمدەگى ەڭ بيىك كوپىردىڭ قۇرىلىسى اياقتالدى، دەپ حابارلادى دۇيسەنبىدە CCTV تەلەارناسى.
وسىمەن اتتاس اڭعارداعى بەيپانتسزيان كوپىرى 570 مەترگە جۋىق بيىكتىكتە ورنالاسقان. قىتاي تاراپىنىڭ ناقتىلاۋىنشا، بۇل رەكوردتىق كورسەتكىش.
ۇزىندىعى 1341 مەتر بولاتىن كوپىر قۇرىلىسى 2013 -جىلى باستالدى، وعان 1 ميلليارد يۋان (150 ميلليون دوللار) جۇمسالدى، دەپ حابارلادى بۇدان بۇرىن شينحۋا اگەنتتىگى.
حاڭجوۋ مەن يۋنان پروۆينتسياسىنداعى جۋيليدى بىرىكتىرەتىن جۇردەك تاس جولدىڭ بولىگى بولىپ تابىلادى.
قىتايداعى ون ەڭ بيىك كوپىرلەردىڭ جەتەۋى تاۋلى جەردەگى گۋيجوۋ پروۆينتسياسىندا ورنالاسقان، دەپ حابارلادى ريا نوۆوستي.
