13:29, 12 - قىركۇيەك 2016 | GMT +5
حالىقارالىق شاحمات فەدەراتسياسىنىڭ پرەزيدەنتى ا ق ش ازاماتتىعىن سۇرادى
استانا. قازاقپارات - حالىقارالىق شاحمات فەدەراتسياسىنىڭ (ف ي د ە) پرەزيدەنتى كيرسان يليۋمجينوۆ ا ق ش پرەزيدەنتى باراك وباماعا جازعان حاتىندا وزىنە ا ق ش ازاماتتىعىن سۇرادى.
بۇل تۋرالى ول بۇگىن ف ي د ە مۇشەلەرى الدىندا باكۋدەگى ۇيىم كونگرەسسىندە جاريا ەتتى، دەپ حابارلايدى رەسەيلىك ت ا س س اگەنتتىگى.
بۇعان دەيىن يليۋمجينوۆ ا ق ش پرەزيدەنتىنە حات جولداپ، ونىڭ تىركەلگەنى جايلى حابار العان.
«مەن ا ق ش پرەزيدەنتىنەن وزىمە امەريكالىق ازاماتتىق بەرۋىن سۇرادىم، مەنىڭ ءىسىمدى ا ق ش قارجى مينيسترلىگىنىڭ تىزىمىنە قوسىپ، جەرگىلىكتى سوتتا قاراعانىن قالايمىن، - دەپ مالىمدەدى ف ي د ە باسشىسى. - مەنىڭ ءىسىمنىڭ امەريكا توپىراعىندا، امەريكا زاڭىمەن تالقىلانۋىن قالايمىن».
ەسكە سالا كەتسەك، ا ق ش- تىڭ ادىلەت مينيسترلىگى 2015-جىلدىڭ سوڭىندا كيرسان يليۋمجينوۆتى سانكتسيا سالىنعان تۇلعالاردىڭ تىزىمىنە ەنگىزگەن بولاتىن.
