12:56, 12 - قىركۇيەك 2016 | GMT +5
سولتۇستىك كورەيا ءوزىن ا ق ش- تان يادرولىق دەرجاۆا رەتىندە تانۋدى تالاپ ەتتى
استانا. قازاقپارات - جەكسەنبىدە ك ح د ر ا ق ش- تان ءوزىن يادرولىق قارۋى بار مەملەكەت رەتىندە تانۋىن تالاپ ەتتى، دەپ حابارلايدى فرانس پرەسس اگەنتتىگى كورەي ورتالىق تەلەگراف اگەنتتىگىنە سىلتەمە جاساي وتىرىپ.
«(پرەزيدەنت باراك) وباما يادرولىق قارۋى بار مەملەكەت رەتىندە ك ح د ر- دىڭ ستراتەگيالىق ۇستانىمىن جوققا شىعارعىسى كەلەدى، الايدا مۇنىڭ الاقانمەن كۇندى جاپقان سەكىلدى ءمانى جوق»، - دەلىنگەن ەلدىڭ س ءى م وكىلىنىڭ مالىمدەمەسىندە.
ك ح د ر بيلىگى جۇما كۇنى يادرولىق سىناقتى ءساتتى وتكىزگەنىن راستاپ، بالليستيكالىق زىمىرانداردى يادرولىق وق تۇمسىقتارمەن جاراقتاندىرۋعا قابىلەتتى ەكەندىكتەرىن مالىمدەدى.
وڭتۇستىك كورەي اسكەريلەرىنىڭ مالىمەتىنشە، جارىلعىشتىڭ قۋاتىن 10 كيلوتونعا جەتكەن، ول قاڭتارداعى جارىلىستان ەكى ەسە كۇشتى.
