11:59, 12 - قىركۇيەك 2016 | GMT +5
لي گولوۆكينمەن ايقاسقىسى كەلەدى
استانا. قازاقپارات - ورتا سالماقتاعى يرلانديالىق بوكسشى ەندي لي گەننادي گولوۆكينمەن جەكپە-جەك وتكىزگىسى كەلەتىنىن حابارلادى، دەپ جازدى Sports.kz.
ەكى جىل بۇرىن لي مەن گولوۆكين كەلىسسوز جۇرگىزگەن، الايدا گەنناديدىڭ اكەسىنىڭ قايتىس بولۋىنا بايلانىستى جارىس وتپەي قالعان. ەندى يرلانديالىق بوكسشى كەلىسسوزدى قايتا باستاۋعا نيەتتى.
«سوڭعى جەكپە-جەكتەن كەيىن ءبىراز ءۇزىلىس بولدى، ءبىراق بوكسقا قايتا ورالعىم كەلەدى. تيتۋل ءۇشىن ايقاسقا قايتىپ ورالۋدان ارتىق نە بار؟ دەنني دجەيكوبسپەن، گەننادي گولوۆكينمەن نەمەسە باسقا دا ۇزدىك بوكسشىلارمەن جەكپە-جەك وتكىزۋ جاعىنان ەش كۇمانىم جوق. ۇزدىكتەرمەن جۇدىرىقتاسىپ ءوزىمدى كورسەتكىم كەلەدى، باستى كوزدەگەنىم دە سول»، - دەگەن ءليدىڭ ءسوزىن كەلتىردى Independent.ie.
