ارىستانبەك مۇحامەدي ۇلى: گولوۆكين قازاقستاندىق بوكس مەكتەبىنىڭ كۇش-قايراتىن كورسەتتى
بۇل تۋرالى مينيسترلىكتىڭ باسپا ءسوز قىزمەتى حابارلادى.
«قۇرمەتتى گەننادي گەنناديەۆيچ! ءسىزدىڭ كەزەكتى جارقىن جەڭىسىڭىزبەن قۇتتىقتاۋىمدى قابىل الىڭىز!
ءوز ەلىنىڭ شىن پاتريوتى، ناعىز بىلعارى قولعاپ شەبەرى بولعان ءسىز - وتانىمىزدىڭ ماقتانىشىنا اينالدىڭىز. ءسىزدىڭ جەڭىستەرىڭىزگە ءبىز عانا قۋانبايمىز، ءجۇز ميلليونداعان بوكس سۇيەر قاۋىم ءسىزدىڭ قاتىسۋىڭىزبەن وتەتىن بوكس كەشىن اسىعا كۇتەدى.
ءسىز - ميلليونداعان قازاقستاندىققا ۇلگىسىز، ءسىز جاس سپورتشىلارعا ۇلكەن بوكس الەمىنە جول اشتىڭىز جانە قازاقستاندىق بوكس مەكتەبىنىڭ كۇش-قايراتىن كورسەتتىڭىز!
تاعى دا ءسىزدى شىن جۇرەكتەن قۇتتىقتايمىن، زور دەنساۋلىق، تابىس، جاڭا جەڭىستەر تىلەيمىن»، دەلىنگەن قۇتتىقتاۋدا.
ەسكە سالا كەتسەك، لوندوننىڭ О2 ارەناسىندا ورتا سالماقتا WBA (Super), WBC جانە IBF نۇسقاۋلارى بويىنشا الەم چەمپيونى قازاقستاندىق گەننادي گولوۆكين بريتاندىق كەلل برۋكپەن شارشى الاڭدا كەزدەسىپ، بەسىنشى راۋندتا جەڭىسكە جەتتى.
بۇل - برۋكتىڭ كاسىبي رينگتە وتكىزگەن 37 جەكپە-جەگىندەگى العاشقى جەڭىلىسى. گولوۆكين 36-جەڭىسىنە قول جەتكىزدى.
