تۇرمىسقا شىعۋدى ارمانداعان قازاقستاندىق بويجەتكەن كولىگىنە حابارلاندىرۋ ءىلدى

استانا. قازاقپارات - تۇرمىسقا شىعۋعا اسىققان قازاقستاندىق بويجەتكەندەر وزدەرىنىڭ كولىگىنە حابارلاندىرۋ ىلە باستادى.

ەڭ ءبىرىنشى بولىپ الماتى تۇرعىنى كولىگىنە حابارلاندىرۋ جاپسىردى. بويجەتكەن ءوزىنىڭ ەسىمىن قۇپيا ۇستاۋدى ءجون كورگەن.

بۇل تۋرالى express-k.kz حابارلايدى.

باتىل بويجەتكەن جۋرناليستەرگە بەرگەن سۇحباتىندا «تابىسقا قالاي جەتەمىن؟»، «مەن اقىلدىمىن، ءبىراق اقىماق سەكىلدى ءومىر سۇرەمىن»، «ميلليوندى قايدان الامىن؟» سىندى ترەنينگتەرگە قاتىسقانىن ايتقان.

- ەندى مەن تۇرمىسقا شىعىپ، ەڭ بولماعاندا ءبىر جىگىتتى باقىتتى ەتكىم كەلەدى. مەن وتباسى باقىتىنىڭ ايەلدىڭ قولىندا ەكەنىن جاقسى تۇسىنەمىن. مۇنىمەن قاتار، ەر ازاماتتى باقىتتى ەتۋدىڭ ءتۇرلى ءتاسىلىن مەڭگەردىم. تۇرمىسقا شىعا الماي جۇرگەن قىزدار وزدەرىنىڭ ۇياڭ مىنەزىن جەڭۋلەرى ءتيىس. ەركەكتەر باتىل قىزداردى ۇناتادى. ايتپاقشى، مۇنى مەن حابارلاندىرۋىما نازار اۋدارعان جىگىتتەردەن ەستىپ ءبىلدىم»، - دەيدى بويجەتكەن.