00:07, 12 - قىركۇيەك 2016 | GMT +5
يليا يلين سپورتتىڭ جاڭا تۇرلەرىن مەڭگەرىپ ءجۇر
استانا. قازاقپارات - سوڭعى ەكى اپتانىڭ ىشىندە قازاقستاندىق سپورتشى ۆەلوسيپەد، فۋتبول، ساداقتان اتۋ سىندى سپورت تۇرلەرىن بايقاپ كوردى. بۇگىن ول ءوزىنىڭ ينستاگرام پاراقشاسى ارقىلى تەننيس سپورتىمەن شۇعىلدانىپ جۇرگەنىن جەتكىزدى.
بۇل تۋرالى Stan.kz حابارلايدى.
«بارىنە قايىرلى كەش! دەمالىستارىڭىز قالاي ءوتىپ جاتىر؟ بۇگىن استانا-قايرات ماتچىنا باردىم. مۇنىمەن قاتار، تەننيس كورتىندا ويناپ قايتتىم»، - دەيدى ول.
ەستەرىڭىزگە سالا كەتسەك، 27- تامىز كۇنى سپورتشى ۆەلوسيپەدكە وتىرىپ، بوروۆويدا وتكەن قايىرىمدىلىق شاراعا اتسالىسقان بولاتىن. ءتىپتى، مارەدەن كەيىن العان اسەرىن ءبولىسىپ، سپورتتىق مەنەدجمەنت بولۋ تۋرالى سۇراققا جاۋاپ بەرگەن-ءدى.
ارتىنشا يليا «استانا ارەنادا» ساداقتان وق اتۋمەن اينالىسىپ جاتقانىن دالەلدەگەن سۋرەتتەرىن جاريالادى. جۋىردا ول دوپينگ داۋىنا بولا ريو وليمپياداسىنان شەتتەتىلگەن بولاتىن.
