ەكس-دەپۋتات قازاقستاندىقتارعا قالاي دۇرىس جار تاڭداۋ كەرەكتىگىن ايتىپ بەردى
ول بۇل تۋرالى ءوز Facebook پاراقشاسىندا جازعان.
ينۆەستيتسيا جانە دامۋ مينيسترلىگىنە قاراستى تۋريزم بويىنشا كەڭەسشىنىڭ ايتۋىنشا، بولاشاق جاردىڭ الدىمەن اتا-اناسىن جاقسى تانىپ-ءبىلۋ كەرەك.
«بۇل جارىڭنىڭ بولاشاق مىنەزىن تانۋعا مۇمكىندىك بەرەدى»، - دەيدى ول.
ەكس- دەپۋتات قىزدىڭ اتا-اناسىنىڭ كەلبەتى دە ءرول وينايتىنىن ەسكەرتتى.
«ءسىزدىڭ عاشىعىڭىز اتا-اناسىنا نەمەسە ولاردىڭ تۋىستارىنا تارتاتىنى انىق. ەگەر سىزگە سۇيىكتىڭىزدىڭ اتا-اناسىنىڭ سىرت-كەلبەتى دە ۇناعان بولسا، ۇيلەنىڭىز»، - دەيدى ول.
تاڭىربەرگەن «ەكى قوشقاردىڭ باسى ءبىر قازانعا سىيمايتىنىن» ۇمىتپاۋعا كەڭەس بەردى.
«كەز-كەلگەن وتباسىندا باسشىلىقتى بىرەۋى الادى: اناسى نەمەسە اكەسى. وسى ورايدا سىزگە قانداي ايەل كەرەكتىگىن ءاۋ باستان شەشىپ العان دۇرىس. بار ماسەلەلەردى ءوزى شەشە الاتىن قورعان بولار ايەل مە، الدە كەرىسىنشە مە؟ ءبىر وتباسىندا ەكى بىردەي كوشباسشى بولسا، ەكى قوشقاردىڭ باسىن ءبىر قازانعا قايناتۋدىڭ سوڭى اجىراسۋعا اكەلىپ سوعادى»، - دەپ ەسكەرتتى ەكس-دەپۋتات.
