قاسىم-جومارت توقايەۆ گولوۆكيندى بوكس الىبى دەپ اتادى

استانا. قازاقپارات - ق ر پارلامەنت سەناتىنىڭ سپيكەرى قاسىم-جومارت توقايەۆ گەننادي گولوۆكيندى بوكس الىبى دەپ اتادى.

«گەننادي گولوۆكين بۇرىن-سوڭدى جەڭىلىپ كورمەگەن ك. برۋكتى ۋاقىتىنان بۇرىن ەڭسەردى. بوكس الىبى! قازاقستاننىڭ ماقتانىشى! شىن جۇرەكتەن قۇتتىقتايمىن!»، - دەپ جازدى ءوزىنىڭ تۋيتتەردەگى پاراقشاسىندا ق. توقايەۆ.

ايتا كەتەيىك، ورتا سالماقتا WBA (Super) ، WBC جانە IBF نۇسقاۋلارى بويىنشا الەم چەمپيونى قازاقستاندىق گەننادي گولوۆكين (35-0, 32 ك و) كاسىبي رينگتە بريتاندىق كەلل برۋكتى (36-0, 25 ك و) نوكاۋتقا جىبەردى.

لوندونداعى 20 مىڭ ورىندىق О2 ارەناسىندا وتكەن ايتۋلى جەكپە-جەكتە سۋپەرچەمپيون گەننادي گولوۆكين بەسىنشى راۋندتا قارسىلاسىن نوكاۋتقا جىبەرىپ، ءوز مانسابىنداعى تاماشا شايقاسىن كورسەتتى. قازاقستاندىق IBO اتاعىن 14 رەت، IBF - ەكىنشى رەت جانە WBC - ءبىرىنشى رەت قورعادى.