11:16, 11 - قىركۇيەك 2016 | GMT +5
برۋك گولوۆكينمەن ايقاستان كەيىن اۋرۋحاناعا ءتۇستى
استانا. كازاقپارات - بريتاندىق بوكسشى كەلل برۋك قازاقستاندىق گەننادي گولوۆكينمەن ايقاستان سوڭ اۋرۋحاناعا جاتقىزىلدى، دەپ حابارلايدى Sky Sports.
بريتاندىق جۋرناليستەردىڭ، «برۋك اۋرۋحاناعا ساقتىق ءۇشىن اپارىلعان، - دارىگەرلەرگە گولوۆكيننىڭ ءۇستى-ۇستىنە تىنباي سىلتەگەن سوققىلارىنان سوڭ زارداپ شەككەن كوزىن تەكسەرتۋ قاجەت. وسىعان بايلانىستى كەلل جەكپە-جەكتەن كەيىنگى ءداستۇرلى باسپا ءسوز ءماسليحاتىنا قاتىسا المادى»، - دەگەن سوزدەرىن كەلتىرەدى Sports.kz.
ەسكە سالا كەتسەك، بەسىنشى راۋندتا ءوز سپورتشىسىنىڭ دەنساۋلىعىنان قورىققان برۋكتىڭ باپكەرى دومينيك ينگل رينگكە سۇلگى تاستاعان بولاتىن.
ءسويتىپ، GGG ءوزىنىڭ كەزەكتى جەڭىسىن نوكاۋتپەن اياقتادى.
