10:19, 11 - قىركۇيەك 2016 | GMT +5
اقتاۋداعى شاعىن اۋدانداردىڭ ءبىرىن قورشاۋعا الدى
استانا. قازاقپارات - اقتاۋدا 21- شاعىن اۋدانعا جالعاسىپ جاتقان اسكەري قىزمەتكەرلەرگە ارنالعان تۇرعىن ۇيلەردىڭ ءبىرى قورشاۋعا الىندى.
الدىن الا اقپاراتقا قاراعاندا، پوليتسياعا وسىندا قارۋ-جاراققا ۇقساس كۇدىكتى زات جاتىر دەگەن حابار تۇسكەن.
كۇدىكتى زات تابىلعان ورىنعا ونشاقتى پوليتسيا مىنگەن كولىك كەلدى. الدىن الا مالىمەتتەرگە قاراعاندا، 21- شاعىن اۋداننان 16 ساعات شاماسىندا قوڭىراۋ شالىنعان، دەپ جازادى Lada.kz.
وقيعا ورنىندا ساپەرلەر جۇمىس ىستەدى، ادامدار ەۆاكۋاتسيالاندى. قاۋىپسىزدىكتىڭ بارلىق شارالارى قابىلداندى. «ءۇيدىڭ ماڭىندا گراناتاعا ۇقساس كۇدىكتى زات جاتىر دەگەن شاقىرتۋ بولعان»، - دەپ ءمالىم ەتتى پوليتسەيلەر.
الدىن الا بولجام بويىنشا، جالعان شاقىرۋ بولعان. قورشاۋ 16:30 دا الىندى. كۇدىكتى زاتتى قۇقىق قورعاۋ ورگانى قىزمەتكەرلەرى الىپ كەتتى.
