ارحەولوگيا ش ق و- نىڭ مادەني برەندىنە اينالادى
ماتەريالدىق قۇندىلىقتار تاريحى ينۋستيتۋتىنىڭ پروفەسسورى نيكولاي بوكوۆەنكو بۇگىن وسكەمەندە وتكەن «التاي - تۇرىك الەمىنىڭ التىن بەسىگى» اتتى عىلىمي-تاجىريبەلىك كونفەرەنتسيانىڭ جالپى وتىرىسىنىڭ الدىندا، ول «ومىرىندە العاش رەت مەملەكەتتىڭ ءوز تاريحىن ساقتاۋعا دەگەن شىنايى قامقورلىعىن كورگەنىن» ءمالىم ەتتى.
اڭگىمە ارحەولوگيالىق قازبا جۇمىستارى جۇرگىزىلگەن پاتشالار اڭعارى اتانعان بەرەل قورعانىن قورعايتىن اينەكتەن ساركوفاگ تۇرعىزۋ جايىندا بولدى. رەسەيلىك عالىم التاي ولكەسىندەگى قىزىقتى تاريحي قۇندىلىعى بار ارحەولوگيالىق قازبا جادىگەرلەر مەن تاريحي مادەنيەتتىڭ سول كەزدەگى حالىقتارعا اسەرى مەن ىقپالىنا توقتالدى.
ارىپتەسىنىڭ ايتقانىنا قوسىلا وتىرىپ بەرەل جوباسىنىڭ جەتەكشىسى پروفەسسور زەينوللا ساماشيەۆ قورعاندى قورعايتىن كونسترۋكسيا قازبا جۇمىستارىنا كەدەرگى جاساماي بىرگە جۇرگىزىلگەنىن ايتىپ ءوتتى. ول وسىنداي قورعانىس ساركوفاگى ەۋرازيادا العاشقى بولىپ اشىق اسپان استىنداعى ۇلتتىق مۇراجاي قۇرۋعا سەبەپشى بولعانىن اتاپ ءوتتى.
جالپى وتىرىستا عالىمدار ارحەولوگيانىڭ، ش ق و- دا تابىلعان سيرەك مادەني مۇرالاردى ساقتاۋ جانە مۋزەيگە اينالدىرۋ ماسەلەلەرىن كەڭىنەن تالقىلادى.
ءوڭىر باسشىسى دانيال احمەتوۆ كونفەرەنسيا بارىسىندا شىعىس قازاقستان وبلىسىندا عىلىمي-زەرتتەۋ جۇمىستارىن جۇرگىزۋ بارىسىندا زەرتتەلگەن نىسانداردى يۋنەسكو دۇنيەجۇزىلىك مۇرالار تىزىمىنە ەنگىزۋ ءۇشىن تەوريالىق نەگىز دايىنداپ قانا قويماي، وبلىستىڭ مادەني برەندىن قالىپتاستىرۋعا، تۋريستىك الەۋەتىن ىلگەرىلەتۋگە مۇمكىنشىلىك بەرەتىنىن اتاپ ءوتتى.
ول وبلىستا جۇرگىزىلگەن قازبا كەزىندە تابىلعان جادىگەرلەرلىڭ بارلىعى وڭىردە قالدىرىلىپ، تاريحي- ولكەلىك مۇراجاي قورىنا بەرىلەتىندىگىن جەتكىزدى.
