مەرۋەرت تۇسىپبايەۆا شۇعىل تۇردە اۋرۋحاناعا ءتۇسىپ قالدى
baistars.kz سايتىنىڭ تىلشىلەرى ماسەلەنىڭ ءمان جايىن ءبىلدى.
- 3 - قىركۇيەك كۇنى ق ر ەڭبەك سىڭىرگەن قايراتكەرى، ءانشى- اكتريسا مەرۋەرت تۇسىپبايەۆا جاڭا توك شوۋدىڭ تۇسىرىلىمىنە شاقىرىلعان بولاتىن. ال ءوزىم كورەرمەندەر قاتارىندا وتىردىم، - دەيدى ءانشىنىڭ ديرەكتورى ايگەرىم وسپانوۆا.
ن. ق. اتتى جاس تەلەجۇرگىزۋشى توك- شوۋعا جينالعان كوپشىلىكتىڭ كوزىنشە "- توك شوۋعا قاتىسۋعا كەيىپكەرلەردى ىرىكتەۋ وڭاي بولمادى. دەسە دە، ءسىزدىڭ 20 جىل انشىلىك قىزمەتىڭىزدە ەشقانداي ەستە قالاتىن حيت ءان ورىنداماعانسىز، تەاتر مەن كينودا سومداعان رولدەرىڭىز انشەيىن دالباسا. ءسىز تۋرالى ارىپتەستەرىڭىز وسىلاي ويلايدى. ءبىراق تا ءبىز ءسىزدى توك شوۋىمىزعا سايقىمازاق رەتىندە كەلگەنىڭىزدى قالادىق، » دەپ مۇقاتۋ ماقساتىندا ايتقان.
مەرۋەرت تۇسىپبايەۆا تەلەجۇرگىزۋشىنىڭ وسىنداي بەيكاسىبي سوزدەرىنەن كەيىن، ءتۇسىرىلىم الاڭىنان كەتىپ قالعان. 1 ساعات وتكەن سوڭ ءانشىنىڭ قان قىسىمى قالىپتى 90-60 كورسەتكىشىنەن قاتتى كۇيزەلىستىڭ اسەرىنەن 160-80 كورسەتكىشىنە لەزدە كوتەرىلىپ كەتكەن.
وسىنداي حالگە تۇسكەن انشىگە جەدەل جاردەم شاقىرىلىپ، العاشقى مەديتسينالىق كومەك كورسەتىلدى.
ايتا كەتەتىنى، ءانشى بالا كەزىنەن بەرى كارديولوگ دارىگەردىڭ باقىلاۋىندا.
ورىن العان وسى ءبىر جاعىمسىز ينتسيديەنتتەن سوڭ مەرۋەرت تۇسىپبايەۆا جۇمىس كەستەسىنەن جاڭىلماي، الدىن- الا ۋادە بەرگەن تۇسىرىلىمدەر مەن ءىس- شارالارعا قاتىسقان. ءبىراق، سترەسس ءوز دەگەنىنە جەتتى. بۇگىن ءانشى الماتى قالاسىنداعى ەمحانالاردىڭ بىرىنە شۇعىل جەتكىزىلىپ ، ەمدەلۋگە ءماجبۇر بولىپ وتىر.
- قازىرگى تاڭدا مەرۋەت تۇسىپبايەۆا "جىبەك-2" سەريالىنىڭ تۇسىرىلىمىنە دايىندالىپ، كورەرمەننىڭ كوزايىمى بولعان جانسايا اتتى كەيىپكەردى سومداعالى وتىرعان بولاتىن. ەڭ باستىسى، ءانشىنىڭ جاعدايى جاقسارىپ كەلەدى. ال قالعان شارۋالارمەن ءبىزدىڭ زاڭگەرلەر اينالىسىپ جاتىر، - دەيدى ايگەرىم وسپانوۆا.
