ادام ساۋساعى تەلەفون تۇتقاسىن الماستىرماق
«اقىلدى» باۋدىڭ ارتىقشىلىعى - ساۋساعىڭ تەلەفون تۇتقاسىنىڭ ءرولىن اتقارا الاتىن بولادى. ياعني، ۇيالى تەلەفونىڭىزعا بىرەۋ قوڭىراۋ شالعان جاعدايدا سومكەڭىزدە جاتقان تەلەفوننان قولىڭىزعا تاعىلعان قۇرىلعىعا Bluetooth ارقىلى دىبىستىق سيگنال تۇسپەك. بىلەزىك دىرىلدەۋ (ۆيبراتسيا) ارقىلى ادام دەنەسىنە بەلگى بەرىپ، ول بەلگى بىلەكتەن ساۋساق ۇشىنا دەيىن جەتپەك. سول كەزدە، بىلەزىكتەگى تۇيمەشەنى باسا قويىپ، قۇرىلعى تاعىلعان قولدىڭ سۇق ساۋساعىنىڭ ۇشىن قۇلاعىڭا اپارىپ تاقاي قويساڭ بولعانى. ارى قاراي بايلانىسقا شىققان ادامىڭمەن تىلدەسە بەرمەكسىڭ. بۇل شۋلى ورتادا تەلەفونمەن سويلەسكەندە ساۋساعىڭمەن ەكىنشى قۇلاعىڭدى جابۋعا تۋرا كەلەتىن يشاراتتى ەسكە سالادى.
جاسى وزىمنەن ۇلكەندەۋ كەلگەن تانىسىمنىڭ ءبىرى ماعان سمارت- ساعاتىن كورسەتىپ، تەلەفونمەن سويلەسۋ كەزىندەگى اڭگىمەسىن اينالاداعىلار ەستۋى مۇمكىن بولعاندىقتان، ءوزىن ىڭعايسىز سەزىنەتىنىن ايتقان. سودان كەيىن وسى قۇرىلعىنى جاساۋ ويىما كەلدى، - دەيدى Innomdle Lab-تىڭ باس ديرەكتورى چوي حەن چۋل.
بۇل تەحنولوگيا ا ق ش- تىڭ لاس- ۆەگاس قالاسىندا بيىلعى جىلدىڭ قاڭتار ايىندا وتكەن كونفەرەنتسيادا تانىستىرىلعان. ەندى بۇيىم قازان ايىنان باستاپ ساتىلىمعا شىعا باستاۋى ءتيىس ەكەن.
نۇراي راحىم
«ايقىن»
