حالىقتىڭ قارىزىن مەملەكەت تولەمەك

استانا. قازاقپارات  - شارجى ەميراتىنىڭ باسشىلارى جەرگىلىكتى تۇرعىنداردىڭ جەكە قارىزدارىن وتەپ بەرمەككە بەل بايلاپ وتىر.

 وسى ماقساتتا 16 ميلليون دوللاردى قۇرايتىن ارنايى قور قۇرىلعان، - دەپ حابارلايدى Islam-today. قارجىلىق جاعدايعا بايلانىستى ءىستى بولعان نەمەسە باسقا دا سەبەپتەرمەن قارىزىن تولەي المايتىن تۇرعىندارعا وسى قور قول ۇشىن سوزاتىن بولادى. شارجى ەميراتىنىڭ قارىزداردى رەتتەۋ كوميتەتىنىڭ ءتوراعاسى راشيد ءال- شەيحتىڭ ايتۋىنشا، وسى ۋاقىتقا دەيىن ەميرات باسشىلىعى 100 ميلليون دوللار قارجى بولگەن. ول قارجى 852 ادامنىڭ قارىزىن جابۋعا جەتىپتى. اتالعان شارالار ەل تۇرعىندارىنىڭ ءومىرىن جاقسارتۋ ماقساتىندا جاسالىپ وتىر ەكەن. شارجى ەميراتىنىڭ باسشىلارى وسىلاي دەپ مالىمدەدى.