بريتاندىق ب ا ق گولوۆكيننىڭ دەنساۋلىعىنا الاڭداۋشىلىق ءبىلدىردى
«ءباسپاسوز جيىنىندا بىردەن بىرنەشە ادام گولوۆكيننىڭ دەنساۋلىعى بولماي تۇرعانىن بايقاپ قالدى. ماسەلەن، پروموۋتەر ەددي حيرن گەنناديدىڭ سولعىن كۇيدە تۇرعانىن ءسوز ەتسە، بۇرىنعى الەم چەمپيونى دجونني نەلسون ونىڭ ءوڭى قاشىپ تۇرعانىن بايقاعان. كەي ب ا ق كوزدەرى ءتىپتى گەننادي جاعدايى ناشارلاعاندىقتان باسپا سوزبەن وزگە ءىس- شارالاردى بولدىرماي تاستادى دەگەن اقپارات تاراتتى»، - دەپ جازادى روبينسون.
دەگەنمەن شولۋشى بارىنە جارىقتىڭ دۇرىس تۇسپەي تۇرعانى سەبەپ بولۋى مۇمكىن ەكەنىن دە ايتۋدا.
جيىنعا قاتىسقانداردىڭ دەنى بوكسشىمىزدىڭ كوزىنىڭ استى قارايىپ تۇرعانىمەن قوسا، شاشتارىنىڭ اراسىن تەر باسقانىن دا اڭداپ قالعان. بۇل ونىڭ جاعدايىنىڭ جاقسى ەمەستىگىن بايقاتادى دەيدى كەيبىرى. نەلسون بولسا، گولوۆكين برۋكتى لايىق باعالاماي، جاتتىعۋدى كەش باستادى دەپ بولجادى.
ەسكە سالساق، لوندوندا گولوۆكين مەن برۋك سالماقتارىن ولشەتتى. ءبىزدىڭ بوكسشى قارسىلاسىنان ءسال جەڭىل بولىپ شىقتى.
گولوۆكين - برۋك جەكپە- جەگى 11 - قىركۇيەككە قاراعان ءتۇنى لوندوندا وتەدى.
