قۇربان ايتتىڭ قۇرمەتىنە الەم ەلدەرىندە نە جاسالىپ جاتىر؟
تەك دۋبايدا عانا ەمەس، شارجى، راس- ءال- حايما جانە اجمان ەميراتتارىندا دا بۇل يگى ءىس جالعاسىنا تابۋدا. ەستەرىڭىزگە سالا كەتەيىك، ب ا ءا پرەزيدەنتى شەيح حاليفا بەن زايد ءال- ناحاياننىڭ جارلىعىمەن 442 ادام راحىمشىلىققا ىلىنگەن بولاتىن. تاعى ايتا كەتەرلىگى، قۇربان ايتتىڭ قۇرمەتىنە بۇل ەلدە ءبىر اپتالىق دەمالىس جاريالانعان.
تاتار رەسپۋبليكاسى دا قۇربان ايتقا قىزۋ دايىندىق ۇستىندە. مەيرام كەزىندە 10 مىڭعا جۋىق مال قۇرباندىققا شالىنادى دەپ جوسپارلانۋدا. وعان 17 ارنايى ورىن بولىنگەن. قۇرباندىق ەتتەرى مۇقتاج جاندارعا تاراتىلادى. سونداي- اق، مەرەكە كۇنى قوعامدىق كولىكتەر ءوز جۇمىسىن ادەتتەگىدەن ەرتە باستاماق. اقىلى اۆتوتۇراقتار مەيرام كۇندەرى تەگىن بولادى.
باشقۇرستان استاناسى ۋفا قالاسىندا قۇربان ايت مەرەكەسىنە وراي Kurban Halal Fest دەگەن اتاۋمەن اۋقىمدى شارا ۇيىمداستىرىلاتىن بولادى. ەل تۇرعىندارىنىڭ باسىم كوپشىلىگى سول شاراعا قاتىسىپ، مەيرامدى كوڭىلدى وتكىزۋگە تىرىسادى.
ماسكەۋ وبلىسىندا دا قاسيەتتى مەرەكەگە دايىندىق قىزۋ ءجۇرىپ جاتىر. ارنايى مال سوياتىن ورىندار بولماسا دا، مەيرامنىڭ قۇرمەتىنە 38 ورىن دايىندالىپتى. قۇربان شالۋعا نيەت بىلدىرگەندەر وسى ارنايى ورىندارعا بارىپ مالدارىن قۇرباندىققا شالا الادى.
ا ق ش- تا قۇربان ايتتىڭ قۇرمەتىنە ارنايى پوچتا ماركالارى شىعارىلعان. بۇل پوچتا ماركالارى مۇسىلمانداردىڭ ەكى ۇلكەن مەرەكەسى ورازا ايت پەن قۇربان ايتتىڭ كەلۋىنە وراي شىعارىلىپ تۇرادى. سونداي- اق، ا ق ش- تىڭ ءبىرقاتار مەكتەپتەرى قۇربان ايت كەزىندە دەمالۋ قۇقىعىنا يە بولدى.
muslim.kz
