10:25, 10 - قىركۇيەك 2016 | GMT +5
قىزىلوردادا ءتورت عاسىرلىق باتىردىڭ ساۋىتى تابىلدى - فوتو
قىزىلوردا. قازاقپارات - تاۋەلسىزدىگىمىزدىڭ 25 جىلدىق مەرەكەسى قارساڭىندا ارال اۋدانىنىڭ ەلدى- مەكەندەرىنىڭ بىرىنەن ХҮІ عاسىردىڭ اياعىندا ۇلت بوستاندىعى جولىندا سەكسەننەن اسقانشا ات ۇستىنەن تۇسپەگەن ايداربەك باتىر ءورىس ۇلىنىڭ اق ساۋىتى تابىلدى. بۇل تۋرالى اۋدان اكىمدىگىنىڭ باسپا ءسوز قىزمەتى حابارلادى.
ءتورت عاسىردان استام ۋاقىت ۇرپاقتان- ۇرپاققا ميراس بولىپ كەلگەن جادىگەر ارال قالاسىنداعى ۇرپاقتارىنىڭ ءبىرى، زەينەتكەر جەتكەرگەن نۇرعابىلوۆتىڭ ۇيىندە ساقتاۋلى. اقساقالدىڭ ايتۋىنشا، تازا بولاتتان جاسالعان تور كوزدى ساۋىتتىڭ سالماعى 10 كەلىدەن اسادى.
وتكەن جىلى قازاق حاندىعىنىڭ 550 جىلدىعىنا وراي ايداربەك باتىردىڭ ۇرپاقتارى ونىڭ ات ۇستىندەگى ايبىندى بەينەسىنەن ەسكەرتكىش ورناتقان. قولدا بار دەرەكتەرگە سۇيەنىپ تاريحي- تانىمدىق كىتاپ شىعارىلعان.
باتىردىڭ ۇرپاقتارى اق ساۋىتتى الداعى ۋاقىتتا جەرگىلىكتى مۇراجايعا تاپسىرماقشى. 
