استانادان شىققان ەكسپەديتسيا كەيكى باتىردىڭ تۋعان جەرىنە اتتاندى

 استانا. قازاقپارات - بۇگىن استانادان قۇرامىندا بەلگىلى عالىمدار مەن ولكەتانۋشىلار جانە جۋرناليستەر بار ارنايى توپ ارقالىق قالاسىندا باستاۋ الاتىن « ءور تورعاي - ەرلىك مەكەنى» اتتى ەكسپەديتسياعا قاتىسۋ ءۇشىن جولعا شىقتى.

ەكسپەديتسيا بيىلعى جىلدىڭ باستى مەرەكەسى - ەل تاۋەلسىزدىگىنىڭ 25 -جىلدىعىمەن قاتار، تاريحىمىزدا ءوز ورنى بار ءىرى وقيعالاردىڭ ءبىرى - 1916 -جىلعى ۇلت- ازاتتىق كوتەرىلىسكە 100  جىل تولۋىنا ارنالعان.

يدەيا باستاماشى ءارى ۇيىمداستىرۋشىسى - «Тorgay expedition»  توبىنىڭ بەلسەندىلەرى. ەكسپەديتسيا قۇرامىندا عالىمدار، ولكەتانۋشىلار، قوعام بەلسەندىلەرى، جۋرناليستتەر مەن بلوگەرلەر بار. ەكسپەديتسيا قىركۇيەك ايىنىڭ 11- ءى كۇنى ارقالىق قالاسىنان ساپارىن باستايدى. اپتاعا سوزىلاتىن ەكسپەديتسيا بارىسىندا ەكى مىڭ شاقىرىم جولدى باسىپ ءوتىپ، تاريحي ماڭىزى زور وتىزدان استام نىسانعا سوعىپ، ايگىلى دۋلىعالى مەشىتىنىڭ باسىندا جەزقازعاندىق دەلەگاتسيامەن جولىعۋ جوسپارلانعان.

 سونداي- اق، ءابدىعاپار حاننىڭ قانى توگىلگەن زاۋرە قوپاسى مەن كەيكى تۋعان بايتۇماعا قونىسىنا بەلگى قويىلماق. جانە مۇنىڭ ءبارى ۇلتجاندى ازاماتتاردىڭ دەمەۋشىلىگىمەن جۇزەگە اسىپ وتىرعانىن ايتا كەتۋ كەرەك.

 
 

 

 

باقىتجول كاكەش