قىتايدا الەمدەگى ەڭ ۇلكەن راديوتەلەسكوپ اشىلادى

استانا. قازاقپارات - قىتايدا كولەمى 30 فۋتبول الاڭىنا تەڭەسەتىن الەمدەگى ەڭ ۇلكەن تەلەسكوپ قىركۇيەكتىڭ اياعىندا اشىلادى دەپ جوسپارلانۋدا، دەپ حابارلادى tjournal china.org.cn باسىلىمىنا سىلتەمە جاساپ.

راديوتەلەسكوپ قۇرىلىسى 2011 -جىلى ناۋرىزدا باستالعان. ول 1,2 ميلليارد يۋانعا ءتۇستى. قۇرىلىس ديامەترى 500 مەتردى قۇراسا، ال جالپى الاڭى شامامەن 250 مىڭ شارشى مەترگە تەڭەسەدى.

باسىلىم تەلەسكوپ ماڭىنا قۇرىلىس جۇرگىزۋگە، اعاشتار جيناۋعا تىيىم سالىناتىنىن حابارلادى، 25 - قىركۇيەكتەن باستاپ زاڭنامالىق شەكتەۋلەر كۇشىنە ەنەدى.

 سونداي- اق پروۆينتسيا بيلىگى وتەماقى تولەۋمەن 9 مىڭنان استام جەرگىلىكتى تۇرعىنداردى ورنالاستىرادى. ولاردىڭ ءارقايسىسىنا 12 مىڭ يۋان (1,838 مىڭ دوللارعا جۋىق) تولەنەدى.

ەسكە سالساق، بۇل ۋاقىتقا دەيىن الەمدەگى ەڭ ءىرى تەلەسكوپ پۋەترو- ريكودا بولدى، ونىڭ ديامەترى - 300 مەتر.