دەنساۋلىق: ءسۇتتى قالاي ىشكەن دۇرىس؟
ەجەلگى يوگا جازبالارىندا ءدانىشپانداردىڭ تەك قانا سۇتپەن تاماقتانعانى وسىنىڭ دالەلى بولسا كەرەك. وسىعان بايلانىستى ءبىز ءسۇتتى قالاي جانە قانشا ءىشۋ كەرەكتىگى تۋرالى ايتىپ وتكەندى ءجون كورىپ وتىرمىز.
1. جاڭادان ساۋىلعان ءسۇتتىڭ تازا ەكەنىنە كوز جەتكىزىپ العان دۇرىس. 15 مينۋتتان ارتىق قايناعان ءسۇت ءوزىنىڭ تاعامدىق قۇندىلىقتارىن جوعالتادى. سوندىقتان، ءسۇت قايناعاننان سوڭ ونى دەرەۋ وتتان الىپ قويعانىڭىز ابزال.
2. ىستىق ءسۇت مىنا دامدەۋىشتەرمەن الدەقايدا جاقسىراق سىڭەدى: كۋركۋما، ءزىمبىر، دارشىن، گامامەليس، كاردامون، شافران، مۋسكات جاڭعاعى.
3. ەرىگەن سارى ماي جانە بال قوسىلعان ىستىق ءسۇت بۋىن اۋرۋلارى كەزىندە جاقسى كومەكتەسەدى (ارتريت، ارتروز) جانە دە جۇيكە جۇيەسى پروبلەمالارىن جەڭۋدە جاقسى كومەكشى.
4. ءزىمبىر قوسىلعان ءسۇت يممۋندىق جۇيەنى كۇشەيتەدى جانە قاندى جەتىلدىرۋ ارقىلى دەنەنىڭ بارلىق ورگاندارىنىڭ فۋنكتسياسىن جاقسارتادى. مۇنداي ءسۇتتى تاڭەرتەڭ ىشكەن ابزال.
5. كۋركۋما قوسىلعان ىستىق شيپالى ءسۇتتى جاتاردا ىشكەن ءجون. ول ۇيقى جانە پسيحيكانى جاقسارتادى، قان جانە تەرىنى قالپىنا كەلتىرەدى.
6. كاردامون قوسىلعان ءسۇت جۇرەك پەن جۇيكە جۇيەسى ءۇشىن پايدالى. ءسۇتتىڭ اسەرىنەن كارداموننىڭ ەمدىك قاسيەتى 10 ەسەگە ارتادى.
7. مۋسكات جاڭعاعى قوسىلعان ءسۇت مازاسىزدىقتى ازايتىپ، ۇيقىنى قالپىنا كەلتىرەدى. ويدى ايقىنداپ، پوتەنتسيالدى ارتتىرادى.
8. ءسۇتتى تاڭعى 6 جانە 9 ارالىعىندا، كەشكە 18:00 جانە 21:00 ارالىعىندا ىشكەن ءجون. سالقىن كۇيىندە ىشۋگە بولمايدى. اس قورىتۋ جۇيەسىن زاقىمدايدى.
